სამშობლო: აფრიკის, ცენტრალური და სამხრეთ ამერიკის ტროპიკული ტყეები.

მიწიერი, ეპიფიტური და ნახევრად ეპიფიტური მცენარეები.

პეპერომია ხელს უწყობს შენობაში ჰაერის გაწმენდას მავნებელი ნარევებისგან, სტაბილურს ხდის ენერგეტიკულ ფონს და შთანთქავს ნეგატიურ ენერგიას.

ოთახში შენახვის პირობები

განათება: სინათლის მოყვარული, მაგრამ ვერ იტანს მზის პირდაპირ სხივებს. ჭრელი ფოთლების მქონე ფორმები საჭიროებენ ნათელ შუქს, მუქი მწვანე ფოთლებიანი ფორმები არიან ჩრდილის ამტანები.

ტემპერატურა: მთელი წლის განმავლობაში კომფორტული 20-25 °C, ზამთარში - არანაკლებ 16 °C. ვერ იტანს ორპირ ქარს.

მორწყვა: მხოლოდ რბილი, ნადგამი წყლით 2-3 °C ოთახის ტემპერატურაზე მაღალი.

ბუჩქისებრი ფორმებისთვის - ზაფხულში გრუნტი უნდა იყოს მუდმივად ნამიანი; მორწყვისას დაუშვებელია წყლის მოხვედრა ფოთლების განშტოების ცენტრში, რაც ხელს უწყობს მათ ლპობას. ზამთარში დაბალი ტემპერატურის შემთხვევაში, მორწყვა უნდა იყოს უფრო იშვიათი.

სუკულენტური სახეობებისთვის მორწყვა უნდა იყოს ზომიერი, ნიადაგის სიმშრალის მიხედვით 1-2 სანტიმეტრის სიღრმეზე;  ნიადაგის ზედმეტი ტენიანობა იწვევს ფესვების ლპობას.