სამშობლო: სამხრეთ-აღმოსავლეთ აზიის ტენიანი წვიმიანი ტყეები, ფილიპინების კუნძულები, ავსტრალიის ჩრდილოეთ ნაწილი.

ოთახში აღწევს 2-3 მეტრის სიმაღლეს.

ოთახში შენახვის პირობები

განათება: ნათელი, მიმოფანტული შუქი, მზის პირდაპირი სხივების გარეშე. განთავსება - დასავლეთით ან აღმოსავლეთით, სამხრეთ ნაწილში აუცილებელია დაცვა მზის პირდაპირი სხივებისგან. ჭრელი ფოთლების მქონე ფორმები საჭიროებენ  უფრო ნათელ შუქს, მწვანე ფოთლების შენახვა დასაშვებია  ნაწილობრივ  ჩრდილში.

ზაფხულში სასურველია, ინახებოდეს  სუფთა ჰაერზე, არა ქარიან ადგილზე, დაცული უნდა იყოს მზის პირდაპირი სხივებისგან.

ტემპერატურა: (კომფორტული) ზაფხულში 20-25 °C, ზამთარში - არანაკლებ 16 °C.

მორწყვა: ზომიერი თანაბარი დატენიანება თბილი წყლით;  მორწყვა ნიადაგის ზედაპირის სიმშრალის მიხედვით 2-3 სმ-ის სიღრმეზე.

მცენარე საერთოდ ვერ იტანს დაჩრდილვას ან ორპირ ქარს.