ბარბექიუს მომზადებაში ყველაზე მნიშვნელობანია გრილი, რომელზეც მას ამზადებთ. 
ტრადიციულად ითვლება ნახშირის გრილი, მაგრამ ბოლო დროს ფართო გავრცელება მიიღო გაზზე მომუშავე გრილებმა, როგორც ჩვეული მაყალის სუფთა, ეკონომიური და მოსახერხებელი ალტერნატივა. თუმცა კონკურენცია მათ შორის მაინც არსებობს.

პლიუსები	მინუსები
ნახშირზე მომუშავესთან შედარებით, ხურდება ბევრად სწრაფად და საწვავი მისთვის (გაზი) ბევრად იაფია	ნახშირზე მომუშავესთან შედარებით ძვირია
არ მოითხოვს განსაკუთრებულ უნარებს ცეცხლის გასაჩაღებლად	არსებობს აზრი, რომ ნახშირზე მომზადებული ხორცის გემო უფრო კარგად იხსნება
ტემპერატურის ზუსტი კონტროლის საშუალება, აქვს რამოდენიმე სანთურა ერთდროულად რამოდენიმე კერძის მომზადებისთვის სხვადასხვა ტემპერატურულ რეჟიმში	-
ნახშირის გრილებთან შედარებით უფრო მარვია მოვლაში	-

გრილის ტიპები
განასხვავებენ გრილის სამ ტიპს - ჩასაშენებელი, გადასატანი და მობილური.

ჩასაშენებელი გრილი გამოიყენება რესტორნებში, მაგრამ ხშირად მას იძენენ ქალაქგარეთ არსებული სახლების მფლობელები.

მობილური გრილი წარმოდგენილია ბორბლიანი ურიკის სახით. მას გააჩნია გაზის ბალონი, სამზარეულოს ინვენტარის შესანახი თაროები და უჯრები.

გადასატანი გრილი შეგიძლიათ პიკნიკზე თან წაიღოთ. მის დაბალ მწარმოებლობას აკომპენსირებს მცირე წონა.

გაზზე მომუშავე გრილის შერჩევა აგარაკისთვის
გრილის შერჩევისას უნდა უპასუხოთ რამოდენიმე კითხვას:

პირველ რიგში - რას ამზადებთ. შეწვისთვის განკუთვნილი პანელის ზედაპირი არსებობს გლუვი ან დაღარული. პირველი გამოსადეგია ჰამბურგერებისთვის, თევზისა და ბოსტნეულისთვის, მეორე - ცხიმიანი ხორცისთვის. არსებობენ მოდელები ორივე ტიპის პანელებით.

მეორე - რამდენი სანთურა გჭირდებათ. რაც უფრო მეტი სანთურა აქვს გრილს, მით უფრო მეტია მისი მწარმოებლობა. თუ გრილი გჭირდებათ მხოლოდ იმისთვის, რომ მთელი ზაფხულის განმავლობაში ორჯერ შეწვათ სტეიკი, შეარჩიეთ გრილი 1-3 სანთურით.

მესამე - დამატებითი ფუნქციების საჭიროება. ყველაზე უბრალო გრილებს შეუძლიათ შეწვა, შუშვა და გამოცხობაც. დამატებითი აქსესუარების დახმარებით თქვენ გააფართოებთ გრილის ფუნქციებს: შებოლვა, შამფურზე მომზადება და სხვა.

კიდევ რას უნდა მიაქციოთ ყურადღება:

სანთურები. უნდა იყოს უჟანგავი ფოლადისგან, თუჯისა ან თითბერისგან დამზადებული, თავსახური - მომინანქრებული ფაიფურის ემალით დაფარული სქელი ფოლადისგან ან უჟანგავი ფოლადისგან. არ არის სასურველი საფეხურიანი ტემპერატურის რეგულირების სისტემით გრილის შეძენა.

სიმყარე. გრილის სიმყარის შემოწმება ძალიან მარტივია - ოდნავ ხელი ჰკარით. კარგი გრილი შეინარჩუნებს წონასწორობას. დარწმუნდით, რომ გრილის თავსახური მდოვრედ იხსნება დამატებითი ძალისხმევის გარეშე.

გისოსები. გისოსები უნდა იყოს დამზადებული ფოლადისგან, ჩამოსხმული რკინისგან ფაიფურის საფარით ან უჟანგავი ფოლადისგან, მაგრამ ყველაზე დიდი პოპულარულობით სარგებლობენ თუჯის გისოსები. გრილის გისოსი არა მარტო დამახასიათებელ ნახატს ტოვებს ხორცსა და ბოსტნეულზე, არამედ გავლენას ახდენს კერძების ხარისხზეც. ხშირი განიერი ღეროებით გისოსებზე საკვები უკეთესად იცხობა.

გაწმენდა. გისოსების ფაიფურის საფარით გაწმენდა სასურველია სრული გაციების შემდეგ, ვინაიდან ფაიფური შედარებით მყიფე მასალაა და მისი დაზიანება უფრო მარტივია გახსელებულ მდგომარეობაში.

ბორბლები. მნიშვნელოვანია, რომ გრილის ჩარჩოს ბორბლები მდოვრედ მოძრაობდნენ და ჰქონდეთ დაფიქსირების საშუალება.

გრილების განხილვას ამით ვასრულებთ და გემშვიდობებით ახალ საინტერესო სტატიამდე. დარჩით ჩვენთან  და მოგვწერეთ თქვენთვის საინტერესო თემა. თქვენი აზრი ჩვენთვის მნიშვნელოვანია.

„დომინო“ გისურვებთ წარმატებებს!