იატაკქვეშა გათბობა, იგივე ელექტრო თბილი იატაკი (ხალიჩა) : არის გათბობის კომფორტული საშუალება, განსაკუთრებით აბაზანისთვის. სისტემა თანაბრად თბება შენობის ქვედა ნაწილში, რაც ხელს უშლის ჰაერის აქტიურ მოძრაობას ოთახში და აფერხებს მტვრისა და სხვა ალერგიული ნაწილაკების გავრცელებას. თუ ასეთი ვარიანტი არ გნებავთ, შეგიძლიათ  მისი წერტილოვნად გადანაწილების სისტემა გამოიყენოთ.

თბილი იატაკის ყველა გამათბობელი ელემენტი დაფარულია, ანუ, არ არის ხილვადი, ამიტომ არ ირღვევა ინტერიერის ესთეტიურობა და სილამაზე.  არანაკლებ მნიშვნელოვანია ის ფაქტი, რომ გამოირიცხება დამწვრობები და სხვადასხვა სახის ტრავმები.

რაც შეეხება იატაკქვეშა გათბობის ეფექტურობას, გათბობის ჩართვისას არ ხდება სითბოს გადინება და თერმოსტატის ავტომატურად დარეგულერების ხარჯზე ხდება ენერგიის დაზოგვა.

გათბობა არის მარტივად დასამონტაჟებელი და მისი გამოყენება შესაძლებელია ნებისმიერი ტიპის იატაკის საფარის ქვეშ:

• ლინოლეუმი(დათბუნების გარეშე) 

• ლამინატი თხელი 

• პარკეტი

• კერამიკული და კაფელის ფილა

• დასასხმელი იატაკი

მონტაჟი ხდება იატაკის მოჭიმვის ან ფილის დაგების პროცესშივე. ოპტიმალური ვარიანტი თბოგადაცემის ეფექტურობისათვის ოპტიმალური ვარიანტი იქნება დასასხმელი იატაკი და კაფელის ფილა. ასეთ შემთხვევაში სითბო სწრაფად და პრაქტიკულად, დანაკარგების გარეშე გადანაწილდება და ხელს უწყობს ოთახში ჰაერის გათბობას.

გასათვალისწინებელია, რომ იატაკქვეშა გათბობის სისტემა არ უნდა ხვდებოდეს იმ ადგილების ქვეშ სადაც აბაზანის ავეჯი და საშხაპე კაბინა დგას.

რომელი თბილი იატაკის ტიპს ვიყენებთ და როდის?

იატაკის ელექტრო გათბობა გამოიყენება შემდეგ სიტუაციებში:

• ძირითადი სისტემის დამხმარედ, ლოჯის, ვერანდის, მანსარდის, სააბაზანო ოთახის გასათბობად. 

• იატაკის სწრაფად გასათბობად ისეთ ადგილებში როგორიცაა სააბაზანო და საპირფარეშო.

• მრავალსართულიანი სახლის ისეთ ბინებში სადაც ჰიდრავლიკური სისტემის მონტაჟი შეუძლებელია. 

• ნებისმიერ ადგილას, სადაც კაპიტალური რემონტის გაკეთება არ იგეგმება(გამათბობელი ფირი)

თბილი იატაკის მონტაჟისას არსებობს გარკვეული შეზღუდვები, რომლებიც უნდა გავითვალისწინოთ ზედაპირის შერჩევისას.

• იმის გამო, რომ გათბობა ხორციელდება იატაკის სრულ ზედაპირზე, საფარი რომელსაც აქვს მაღალი თბოიზოლაცია ბუნებრივად ხელს შეუშლის სითბოს ოთახში განაწილებას.

• უმჯობესია საფარი იყოს კაფელი ან კერამიკული ფილა. არსებობს სპეციალური წებო, რომელიც იძლევა საშუალებას ოპტიმალური სითბოს გადასანაწილებლად.

• ისეთი მასალები როგორიცაა ლინოლეუმი, პარკეტი და ხალიჩა, არ იქნება მიზანშეწონილი, ასეთ შემთხვევაში გაცილებით ნელა მოხდება თბოგადაცემა. შედეგად გამოგვივა, გაცილებით მეტი ენერგიის დახარჯვა იმისათვის რომ მივიღოთ სასურველი ტემპერატურა ოთახში, თანაც გათბობის ელემენტები გადახურდება, რაც თავისთავად სისტემის ექსპლოატაციის ვადას შეამცირებს.

• უფრო მედეგი იქნება ჰიდრავლიკური (წყლის) თბილი იატაკი, თუმცა მისი ეფექტურობაც ასევე დაიკლებს.

• თუ თბილი იატაკი პარკეტის ქვეშ დავამონტაჟეთ ეს პარკეტის გამოშრობას შეუწყობს ხელს რაც ვიზუალურადაც დაეტყობა.

კონსტრუქციის მიხედვით იატაკის ელექტრო გათბობის ორი კატეგორია არსებობს - კაბელის და ხალიჩის ტიპის.

კაბელი შესაძლებელია დამონტაჟდეს მოჭიმული იატაკის ქვეშ ლითონის ბადეზე (სეტკა) და თითქმის არ იმოქმედოს მის სისქეზე.

არსებობს კაბელით გათბობის დამატებითი ვარიანტი, რომელიც ქარხნულად თვითწებადი ბადით არის წარმოდგენილი (გამათბობელი მატი), მისი გამოყენება შეგვიძლია არსებული საფარის(ბეტონი) გასუფთავებულ ზედაპირზე, ზემოდან წებო-ცემენტის დატანებისა და შემდეგ უკვე იატაკის ძირითადი საფარის დაგებით.

ფირი შეგვიძლია გამოვიყენოთ მზა მოჭიმული იატაკის ზედა საფარად, ამისათვის საჭირო იქნება პოლიეთილენის ალუმინიანი თბოიზოლაცია.

იატაკის ელექტრო გათბობის საშუალებით თავისუფლად შეგვიძლია გავათბოთ დამხმარე ან პატარა ფართის მქონე ადგილები, რომელთა გათბობა ძირითადი სისტემით არ/ვერ ხდება: ლოჯი, ვერანდა , მანსარდა, ღია სივრცეები და ა.შ.

თუმცა, იქამდე სანამ გამათბობელი სისტემის ტიპს ავირჩევდეთ, ჯერ უნდა განვსაზღვროთ მისი ამოცანა და გამოყენების მეთოდი.

იატაკის ელექტრო გათბობა შეგვიძლია გამოვიყენოთ დამხმარე გამათბობელ საშუალებად ან მთლიანად ჩავანაცვლოთ კლასიკური გათბობა.