ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
შიდა (ოთახშუა) კარები - რა უნდა იცოდეთ შეძენის დროს?
14/04/2021
shida-karebi

კარი არის ნებისმიერი საცხოვრებლის განუყოფელი ელემენტი სივრცეების გამოჯვნისთვის. წინამდებარე სტატიაში ჩვენ ვისაუბრებთ ოთახშუა კარებზე.

კარის წარმოებისას ძირითადად გამოიყენება ისეთი მასალები, როგორიცაა MDF (Medium Density Fiberboard) და HDF (High Density Fiberboard). ნებისმიერი მათგანი წარმოადგენს დაწნეხილ და დაწებებულ მერქანბოჭკოვან ფილას. ეს არის მკვრივი და მტკიცე მასალა, რომელსაც აქვს ექსპლუატაციის ხანგრძლივი ვადა. ამასთან აღსანიშნავია ის ფაქტი, რომ MDF არის ასევე პლასტიური მასალა, რაც შესაძლებლად ქმნის მისთვის სხვადასხვა ფორმების მინიჭებას და ფიგურების ამოჭრას. ეს არის სასარგებლო თვისება, თუ თქვენ ირჩევთ კონკრეტულ ან განსაკუთრებულ კარს უკვე განსაზღვრული დიზაინისთვის. MDF ასევე გამოირჩევა ფერების ფართო არჩევნით. პრინციპში, თუ კონკრეტული ფერი გჭირდებათ, MDF კარგად ეგუება შეღებვას. წარმოებისას მის ზედაპირს კარგად ასწორებენ, რის შედეგად ზედაპირი იძენს სიგლუვეს. გარდა ამისა, MDF ასევე კარგად შპონირდება, იღებება ემალით ან ლაქით.        

MDF-ის ეკოლოგიურობა ამ მასალის კიდევ ერთი დამატებითი უპირატესობაა. წარმოებისას MDF მუშავდება მაღალი ტემპერატურის პირობებში, რის დროსაც გამოიყოფა ბუნებრივი, არასინთეტიკური, შემკვრელი ნივთიერებები.

MDF და HDF პრაქტიკულად არ რეაგირებს ტემპერატურის ცვალებადობაზე, არ იწოვს ტენს, არ იბზარება, შრეებად არ იშლება.

ზემოთ ხსენებული მასალების გარდა, კარი ასევე მზადდება ДСП და ДВП ფუძეებით. ასევე არსებობს კომბინირებული კარები. ДСП და ДВП არის ნახერხისგან ან ბოჭკოებისგან წარმოებული ფილები. აღნიშნული მასალებისგან ამზადებენ მსუბუქ, დაბალფასიანი სეგმენტის კარებს. კომბინირებული კარი შემდგარია ხის ჩარჩოსგან, ДСП ან ДВП-სგან და ასევე MDF პანელისგან. ორივე შემთხვევაში მნიშვნელოვანია საფარი (გადაკვრა), რომელიც არსებობს სხვადასხვანაირი.

ბაზარზე წარმოდგენილი ფინიშური გადაკვრებისგან ყველაზე პოპულარულია PVC და პოლიპროპილენი. ორივე იმით კარგია, რომ მისგან დამზაბული კარი არის მტკიცე დარტყმების მიმართ, ტენგამძლე და არ იცვითება დროთა განმავლობაში. კარს არ შეეცვლება ფერი, იგი არ დაიკაწრება. სხვათა შორის, PVC და პოლიპროპილენი კარგად მუშავდება და მისგან იქმნება სხვადასხვანაირი ფაქტურები (ხე, ქვა, ტყავი), რაც მნიშვნელოვანია დიზაინერული გადაწყვეტილებების მიღებისთვის.

უფრო იშვიათია შპონირებული კარი (შპონით მოპირკეთებული ДСП და ДВП ფუძეები) და ხის მასივის კარი. გაითვალისწინეთ, რომ შპონი არის ფინიშური გადაკვრა, რომელიც უბრალოდ ცვლის კარის დიზაინს და ფაქტურას. იგი არ იცავს კარს, როგორც PVC და პოლიპროპილენი. ხის მასივის კარი არის ეკოლოგიურად სუფთა და ამასთან მოითხოვს ყურადღებას და მოვლას. ხანგრძლივი გამოყენებისთვის საწარმოში მას საგულდაგულოდ აგლუვებენ, შეძენის შემდეგ კი ღებავენ ან ლაქს უსმევენ.

მასალების განხილვის შემდეგ შევუდგეთ კარების განხილვას. ქვემოთ მოყვანილია ის ძირითადი პუნქტები, რომელიც უნდა გაითვალისწინოთ კარის შეძენის დროს.

• ზომები. გაყიდვაში არსებულ კარებს აქვს შემდეგი ზომები: 700х2000, 800х2000, 700х2150, 800х2150, ხოლო მათთვის საჭირო ღიობის ზომები უნდა იყოს: 800x2050, 900x2050, 800x2200, 900x2200. თუ თქვენი კარის ღიობი არასტანდარტული ზომების არის, პრობლემის გადაჭრის ორი ვარიანტი გაქვთ - ან კარის ღიობი მიიყვანეთ საჭირო ზომებამდე მაკომპლექტებლების ზომების გათვალისწინებით ან შეუკვეთეთ საჭირო ზომების კარი.
კომპლექტაცია. კარის კომპლექტაცია შედგება მრავალი დეტალისგან. ეს არის თამასები, დანამატები, კოლოფები, ანჯამები, საკეტები, სახელურები. კარის მონტაჟის დროს თამასების და კოლოფების დაყენება საჭიროა ორივე მხრიდან. ანჯამების რაოდენობა უნდა იყოს 2 ან 3 ცალი. სახელურები და საკეტებიც არის კარის განუყოფელი ნაწილი. საკეტს თქვენ ირჩევთ საჭიროებებიდან გამომდინარე (ჩამკეტი მექანიზმით თუ გარეშე).
გაღება. კარის შერჩევის მნიშვნელოვანი ასპექტი ასევე გახლავთ ის, თუ რომელ მხარეს იღება კარი (მარჯვენა თუ მარცხენა). პატარა რჩევა: თუ ანჯამები მარჯვენა მხარეს არის დამონტაჟებული, კარის მარჯვნივ იღება, ხოლო, თუ მარცხნივ, კარი, შესაბამისად, მარცხენა მხარეს იღება.

ჩვენ აღვწერეთ ოთახშუა კარის შერჩევის ზოგადი პრინციპები. გარკვეულ წილად ეს სტატია დაიწერა ჩვენი მომხმარებლების შეკითხვების საფუძველზე. იმედი გვაქვს, რომ მოცემული ინფორმაცია სასარგებლო იქნება თქვენთვის და სწორ არჩევანს გააკეთებთ. ჩვენს საიტზე კი მოცემულია ყველა საჭირო პროდუქტი - კარები, მაკომპლექტებლები (თამასები, დანამატები, კოლოფები, ანჯამები), საკეტები და ასევე სამაგრები.

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა