ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
იატაკის საფარი სამზარეულოსთვის - TOP 4 სახეობა
21/04/2021
samzareulos-iataki

სამზარეულოს ახასიათებს განსაკუთრებული მიკროკლიმატი. სამზარეულოში ყოველდღიურად ვებრძვით ცხიმს, კონდენსატს და სხვა უსიამოვნო ფაქტორს, ზუსტად ამის გამო სამზარეულოს იატაკისთვის უნდა შევარჩიოთ მაქსიმალურად მარტივად მოსავლელი მასალა. ამ სტატიაში ვისაუბრებთ სამზარეულოს იატაკის საფარის სახეობებზე, ნებისმიერი მათგანი ცნობილია და საკმაოდ ფართოდ გამოიყენება.

• კერამიკული ფილა და კერამოგრანიტი.კერამიკული ფილა იატაკის საფარის სფეროში ლიდერად ითვლება და კერამოგრანიტიც არანაკლებ პოპულარობას იძენს. ამ ორ მასალას ბევრი დადებითი მხარე გააჩნია - მარტივია მოსავლელად, გაყიდვაშია ფართო და მდიდარი არჩევანი, იწარმოება სხვადასხვა ფაქტურებითა და დიზაინით. გარდა ამისა, კერამიკულ ფილას გააჩნია სიმტკიცის და ცვეთამედეგობის მაღალი მახასიათებლები, მასზე არანაირად არ მოქმედებს ტემპერატურის ცვალებადობა, აქვს მშვენიერი ნესტგამძლეობა, გადაღვრილი სითხე მას არ აზიანებს, ხოლო მოვლა-გაწმენდისთვის შეგიძლიათ გამოიყენოთ ნებისმიერი სარეცხი საშუალება.


• ლამინატი. წლების მანძილზე ლამინატი დაიხვეწა ისეთ დონემდე, რომ მისი დაგება შესაძლებელია უკვე სამზარეულოშიც კი. დაყოფილია კლასებად და ყოველი მათგანი პასუხობს ყველა საჭირო მოთხოვნას. მიიჩნევა, რომ ამგვარი საფარი არ არის ნესტგამძლე, მაგრამ ლამინატის თანამედროვე სახეობებს გააჩნიათ სპეციალური კონსტრუქციის საიმედო ჩამკეტი კიდეები, რისი დამსახურებითაც სითხე ვერ აღწევს შეერთების ადგილებში. რჩევა დომინოსგან - სასურველია ლამინატის შეერთების ადგილების დამუშავება Click Guard MUCG ჰერმეტიკით.


• ლინოლეუმი პოპულარული და საყოველთაოდ გამოსაყენებელი საფარია, რომელიც მუდამ რჩება მომთხოვნადი. მას სხვადასხვა ფაქტურებით (ფილა ან პარკეტი) აწარმოებენ. გამოირჩევა მარტივი მოვლით, გააჩნია წყალგაუმტარობის მაღალი დონე. ლინოლეუმი სამ ტიპად იყოფა: საყოფაცხოვრებო, კომერციული და ნახევრად კომერციული. სამზარეულოში შეგიძლიათ გამოიყენოთ როგორც საყოფაცხოვრებო, ასევე ნახევრად კომერციული. მისთვის განკუთვნილია «Soudal»-ის წებო და კონკრეტულად ლინოლეუმისთვის «Kerakoll»-ის წებო.

• ვინილის იატაკი (LVT) ნაკლებად ცნობილია, მაგრამ მოთხოვნა აქტიურად მატულობს. მას გააჩნია ყველა ის ტექნიკური მახასიათებელი, რომელიც უნდა ჰქონდეს სამზარეულოს იატაკს (ნესტგამძლეობა, მარტივი მოვლა, სიმტკიცე, ამტანობა). ტექნიკური პლუსების გარდა, მას ასევე ახასიათებს ფერების მდიდარი პალიტრა და ფაქტურები (ხე, ქვა). LVT-ს დაგება ხდება წებოს დახმარებით, ჩვენ შეგვიძლია შემოგთავაზოთ LVT-სთვის სპეციალური წებო: «Bison» და «Kerakoll» ვინილის იატაკისთვის.

გაითვალისწინეთ:
• თუ აპირებთ „თბილი იატაკის“ სისტემის მონტაჟს, გაითვალისწინეთ, რომ კერამიკულის გარდა, ნებისმიერი ზემოთ ხსენებული საფარის ქვეშ, ტემპერატურა არ უნდა აღემატებოდეს 27 °C-ს. კერამიკის შემთხვევაში დასაშვებია 30 °C, ვინაიდან უფრო მაღალი ტემპერატურა ჯანმრთელობისთვის საშიშია.

• ნებისმიერი საფარის წებოზე დაგებისას გახსოვდეთ, რომ წებო უნდა განაწილდეს მთლიან ფართზე და არა წერტილოვნად. ამგვარად თქვენი იატაკის საფარი იდეალურად სწორი იქნება და არ გექნებათ ამობერილი ადგილები.

ჩვენს საიტზე განთავსებულია კერამიკული ფილა, კერამოგრანიტი, ლამინატი, ლინოლეუმი, ვინილის იატაკი, სახარჯი მასალები (ფილის წებო, ლამინატის წებო, ლინოლეუმის წებო, ვინილის იატაკის წებო) და სხვა საჭირო ინვენტარი ნებისმიერი ტიპის სამუშაოებისთვის.

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა