ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
როგორი შპალერი არსებობს?
19/05/2021
shpaleris-shercheva

არაერთი ათწლეულის განმავლობაში შპალერი არის მოწინავე მასალა კედლების მოპირკეთებისთვის. დღესდღეობით მაღაზიაში შპალერის არჩევანი საკმაოდ მრავალფეროვანია, ასე რომ განვიხილოთ უფრო დეტალურად თუ რა ტიპის შპალერს გვთავაზობენ თანამედროვე მწარმოებლები.

➨ ქაღალდის შპალერი არის დაბალფასიანი და ხელმისაწვდომი სეგმენტი. იდეალური ვარიანტია, თუ დროდადრო გიყვართ საცხოვრებლის დიზაინის შეცვლა. ქაღალდის შპალერის ორი ტიპი არსებობს: ერთშრიანი სიმპლექსი და ორშრიანი დუპლექსი.  ამ ტიპის შპალერის გაკვრა შეგიძლიათ ისეთ ოთახებში, სადაც გაჭუჭყიანების რისკის და ტენიანობის დაბალი დონეა, მაგალითად, საძინებელში, სასტუმრო ოთახში, საბავშვო ოთახსა და კაბინეტში.

➨ ვინილის შპალერი არის ვინილის საფარი ქაღალდის ფუძით. მას გააჩნია მაღალი საექსპლუატაციო მახასიათებლები, იწარმოება სხვადასხვა სისქით და კედლებს ძალიან ალამაზებს. ვინილის შპალერი არსებობს მოცულობითი (აქაფებული) და სამზარეულოსთვის (რეცხვადი).

მოცულობით შპალერს აქვს სხვადასხვა ფაქტურის რელიეფური (ხაოიანი) ზედაპირი. მაისური რულონის მიუხედავად თვითონ შპალერი მსუბუქია და მისი გაკვრა საკმაოდ მატივია. ამ ტიპის შპალერიც გამოსადეგია საცხოვრებელი ოთახებისთვის.

რეცხვად შპალერს ასევე სამზარეულოს ვინილის შპალერს უწოდებენ. დასახელებიდან უკვე ჩანს მისი დანიშნულება. მოცემული შპალერის ზედაპირი წყალგაუმტარია, ასე რომ თამამად შეგიძლიათ გააკრათ იგი სამზარეულოს ნიჟარასთანაც. უმნიშვნელო გაჭუჭყიანების მოშორება შესაძლებელია სველი ტილოთი არ ღრუბლით.

➨ ფლიზელინის შპალერი არის შედარებით ახალი ტიპი. ზოგადად ფლიზელინი გამოიყენება ტანსაცმლის შეკერვის დროს, ამაგრებს ძილითად ქსოვილს. ამ შპალერის წარმოების დეტალებში არ ჩავღრმავდებით, უბრალოდ გეტყვით, რომ მას აწარმოებენ ქაღალდისა და ქსოვილის ბოჭკოების დაწნეხით, რის შედეგად მიიღება მტკიცე და ცვეთამედეგი მასალა. ფლიზელინის შპალერი ადვილად ექვემდებარება მრავალჯერად შეღებვას. აღსანიშნავია, რომ ბევრ ხელოსანს უყვარს ამ შპალერთან მუშაობა, ვინაიდან მისი გაკვრისას წებო უნდა დაატანოთ კედელს და არა შპალერს, რაც აჩქარებს და ამარტივებს მუშაობის პროცესს.

➨ შესაღები შპალერი მოუხდება კრეატიულ იმპროვიზატორებს. მას ამზადებენ სხვადასხვა ფუძით, მაგრამ უფრო ხშირია ფლიზელინი. შესაღები შპალერი არის როგორც რელიეფური, ასევე გლუვი და ამასთან სათქმელია ისიც, რომ მას აწარმოებენ მხოლოდ თეთრ ფერში. მისი შეღებვა შეიძლება 7-ჯერ. ეს შპალერი დაგეხმარებათ თქვენი მხატვრული ჩანაფიქრების განხორციელებაში, მაგალითად, გრაფიტის სიუჟეტის შექმნა, ხოლო იმ შემთხვევაში, თუ სივრცის განახლებას მოისურვებთ, დიზაინის შეცვლაც არ იქნება პრობლემა.

გაითვალისწინეთ, რომ კედლების შეღებვას შეძლებთ გაკვრიდან 1-2 დღე-ღამეში, როცა წებო კარგად გაშრება.

➨ თხევადი შპალერი იყიდება მშრალი ნარევის სახით, იზავება წყლით და კედლებზე მისი დატანა ხდება შპატელით. ფერთა მრავალფეროვნება შეგიქმნით ბრწყინვალე დიზაინს, ხოლო დატანას თქვენ დამოუკიდებლადაც შეძლებთ.

მნიშვნელოვანი ინფორმაცია!

  • თუ შეიძინეთ რეცხვადი შპალერი, მიაქციეთ ყურადღება ეტიკეტზე მოცემულ ინსტრუქციას, სადაც მითითებულია შპალერის რეცხვის მეთოდი
  • შპალერის ხარისხიანი გაკვრა განპირობებულია კედლების კარგი მომზადებით, გალესვითა და დაგრუნტვით

ჩვენს საიტზე მოცემულია სხვადასხვა ფაქტურის და შეფერილობის შპალერი და ასევე წებოები, ჩვეულებრივი და გრაფიტის დასახატი საღებავები, ფუნჯები და სხვა ინვენტარი.

„დომინო“ წარმატებებს გისურვებთ!

 

კომენტარები

კომენტარები ვერ მოიძებნა

მიმოხილვის დაწერა