ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
რისთვის არის საჭირო გრუნტი?
05/04/2021
kedlebi-grunti

რემონტის საბოლოო ეტაპია კედლების მოპირკეთება შპალერით, დეკორატიული ბათქაშით ან სხვა საფარით. ხარისხიანი და ლამაზი მოპირკეთების მისაღწევად, იატაკს, კედლებს და ჭერს ამუშავებენ სხვადასხვა მასალებით - გაჯი, ფითხი და ა.შ. ყველა ეტაპზე აღნიშნული საფარები აუცილებლად მუშავდება გრუნტით. გრუნტი ამყარებს ხორკლიან და ფოროვან ზედაპირებს და ფუძეებს, ამცირებს წებოს და საღებავის ხარჯს. გარდა ამისა, გრუნტი იცავს ზედაპირებს სოკოებსა და ობისგან.

როგორ შევარჩიოთ გრუნტი ექსპლუატაციის კონკრეტული პირობებისთვის?

გრუნტი გარე სამუშაოებისთვის. გარე სამუშაოებისთვის საჭიროა ყინვაგამძლე გრუნტის შეძენა. ასეთ შემთხვევებში გამოიყენება სილიკატური და აკრილის ღრმა შეღწევადობის გრუნტი. იგი ფუძეს აღწევს, ავსებს ფორებს და აფერხებს ტენის შეღწევას. ნებისმიერ ზედაპირში მოხვედრისას ტენი იყინება, ხოლო ყინულს აქვს ერთი საინტერესო თვისება - იგი ფართოვდება, რის შედეგად კედელი იბზარება და ინგრევა.

გრუნტი შიდა სამუშაოებისთვის. შიდა სამუშაოებისთვის შეარჩიეთ უსუნო გრუნტი. ამ შემთხვევაში გამოსადეგია ლატექსის ან აკრილის შემადგენლობა წყლის ბაზით. ასევე გაითვალისწინეთ ოთახის ტიპი და ზედაპირი, რომელსაც დაამუშავებთ. ტენიანი სათავსებისთვის ან მერქნის (ხის) ზედაპირებისთვის უნდა გამოიყენოთ გრუნტი ანტისეპტიკით.

ბეტონისთვის გირჩევთ აკრილის ან ალკიდურ გრუნტს, რომელიც განკუთვნილია ხორკლიანი, ფოროვანი ფუძისთვის. ასევე შეიძლება გამოიყენოთ „Betonokontact“ შემადგენლობები. ეს არის ვარდისფერი სითხე კვარცის ქვიშით. იგი ხორკლიანად აქცევს კედლის ზედაპირებს. მომეტებული ვიბრაციის ადგილებში ეს არის მიზანშეწონილი გადაწყვეტილება.

ხისთვის გამოიყენება ზეთოვანი შემადგენლობები, რითაც დამუშავების შემდგომ თქვენ შეგიძლიათ შეღებოთ ზედაპირი იმ შემთხვევაშიც კი, თუ იგი ადრე იყო შეღებილი. ასევე შეიძლება რამდენიმე ფენით აკრილის გრუნტის დატანაც, რაც ამაგრებს ფუძეს და წყალგამძლედ აქცევს. ხშირ შემთხვევაში ამგვარი გრუნტების შეფუთვებზე მითითებულია მარკირება: „ხისთვის“.

ჭერის შემთხვევაში შეგიძლიათ გამოიყენოთ ნებისმიერი შემადგენლობა მინერალური ფუძისთვის, მათ შორის „Betonokontact“-იც. მისი გამოყენება საჭიროა, რადგან ჭერზე ბათქაში ცუდად იკვრება, გრუნტი კი მას ამყარებს.

გრუნტის შერჩევა თაბაშირმუყაოს დამუშავებისთვის საერთოდ არ წარმოადგენს პრობლემას. თქვენ არ მოგიწევთ ფიქრი არც ხორკლიანობასა და ფორიანობაზე და არც ტენის ზემოქმედებაზე. საკმარისია უნივერსალური აკრილის (სასურველია ანტისეპტიკური) გრუნტის შეძენა.

როგორ უნდა შევარჩიოთ გრუნტი მოპირკეთების კონკრეტული ტიპისთვის?

კედლების დაგრუნტვას აქვს რამდენიმე ძირითადი მიზეზი. გრუნტი დაგეხმარებათ ზედაპირზე დუღაბის დატანაში სწორი და თხელი ფენით, დაიცავს ზედაპირს გახმობა-გაბზარვისგან. თუ ფუძე შედგება ბეტონისგან ან აგურისგან, გამოსაყენებელია „Betonokontact“-ი ან სხვა შემადგენლობა მინერალურ საფუძველზე.

კერამიკულ ფილას აგებენ ტენიან სათავსებში, ამიტომ გამოყენებული გრუნტის შემადგენლობა უნდა იყოს ტენგამძლე, ფუნგიციდებით და უნდა აფერხებდეს ობის და სოკოების გაჩენას.

თუ კედელზე გრუნტის შემდეგ უნდა გააკრათ შპალერი, მაშინ გაითვალისწინეთ რამდენიმე ნიუანსი. ქაღალდის და ტექსტილის შემთხვევაში ყველაზე ოპტიმალური ვარიანტია აკრილის ან ლატექსის უსუნო გრუნტი. ვინილის შპალერის გაკვრა ჯობია ვინილაცეტატურ გრუნტებზე. თაბაშირმუყაოსთვის საკმარისი იქნება გრუნტის ერთი ფენის დატანა, ხოლო მინერალური ზედაპირი, როგორც უკვე მოგახსენეთ, მოითხოვს ღრმა შეღწევის შემადგენლობებს. აუცილებლად გაითვალისწინეთ ის ფაქტი, რომ შპალერსა და საღებავის შემთხვევაში უნდა გამოიყენოთ თეთრი გრუნტი. სხვა ფერის გრუნტი ცვლის ფინიშური მოპირკეთების ელფერს. ასევე გახსოვდეთ, რომ გრუნტი და საღებავი უნდა იყოს ერთი ბრენდის.

ეს იყო გრუნტის შერჩევის ზოგადი ასპექტების მოკლე მიმოხილვა, ჩვენს საიტზე კი თქვენ ნახავთ ნებისმიერის მიზნებისთვის გრუნტების ასორტიმენტს.

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა