ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
როგორ მოვამზადოთ მცენარეები ზაფხულისთვის?
31/03/2021
mcenareebis-movla

მოვიდა გაზაფხული და მცენარეების მოყვარულთათვის დადგა სეზონური სამუშაოების დრო, ანუ მცენარეების მომზადება ზაფხულისთვის. თუ თქვენ სწორად უვლიდით „მწვანე მეგობრებს“ ზამთარში, ეხლა მათ ელიან სითბოს, რომლის შემდეგაც დადგება მდიდრული და ბრწყინვალე ყვავილობის ჟამი. მანამ კი საჭიროა გრუნტის შეცვლა-განახლება ან მცენარის გადარგვა ახალ ქოთანში.

როგორ შევარჩიოთ გრუნტი და ქოთანი მცენარეებისთვის სწორად?

• ქოთნის მოცულობა უნდა შეესაბამებოდეს გრუნტის მოცულობას, და არა მცენარის ზედა ნაწილის ზომას. თუ ზამთრის პერიოდში ან რაიმე დაავადების შედეგად მცენარის ფესვების ნაწილი აღმოჩნდება დაზიანებული/გაფუჭებული, მისი გადარგვა უმჯობესი იქნება უფრო პატარა ქოთანში. არასდროს არ აიღოთ უფრო დიდი ზომის ქოთანი, ვინაიდან ამის გამო მცენარის ფესვების განვითარება არასწორად მიმდინარეობს და იწვევს სხვადასხვა სახის დაავადებებს.

• გრუნტის შერჩევა. ყვავილების მაღაზიებში იყიდება მზა ნარევები. გამოცდილი მებაღეები ამზადებენ ამგვარ ნარევს სახლის პირობებში. ამისთვის გამოიყენება ტორფის ნარევები, ფოთლოვანი ნარევები და ასევე სხვა დანამატები - პერლიტი, ვერმიკულიტი, ქოქოსის ბოჭკო. მთავარი, რაც ყურადღებას მოითხოვს, არის მოცემული ნიადაგის მჟავიანობა. ოთახის მცენარეთა უმრავლესობა თავს კომფორტულად გრძნობს სუსტმჟავიანი რეაქციის ნიადაგებში, ანუ რომლის рН=5,5-6,5, ზოგიერთი კი (კამელია, ცისფერი ჰორტენზია, გარდენია, აზალია, ერიკა, როდოდენდრონი) საჭიროებს მიწის ნარევს, რომლის рН=5,0 ან ამაზე მცირეს.

სხვა მნიშვნელოვანი საკითხი, რომელიც უნდა გადაწყვიტოთ გრუნტის შერჩევისას, არის დრო, რომლის დათმობა შეგიძლიათ თქვენი მცენარეებისთვის, და ასევე მოვლის რეგულარობა.

შეიძლება თქვენი კოლექცია გამდიდრებულია არამომთხოვნი მცენარეებით (კაქტუსი და სხვა სუკულენტური მცენარეები), რომლის მორწყვა საჭიროა ნიადაგის სრული გამოშრობის შემდგომ. ასეთი მცენარეები პატიობენ მორწყვის გრძელ ინტერვალს.

და როგორ მოვიქცეთ, თუ გვაქვს წყლის მოყვარული მცენარეები, რომლის მოვლა ითვალისწინებს ნიადაგის თანაბარ და რეგულარულ დატენიანებას (როგორც კი ზედა ფენა გამოშრება 3-4 სმ)? პირველ რიგში ეს არის ტროპიკული ტყეების დეკორატიულფოთოვანი მცენარეები (აგლაონემა, დიფენბახია, ფიკუსი, დრაცენა, კალათეა, გვიმრა). ეს მცენარეები მორწყვის დაგვიანებას გამოხატავენ ფოთლების გაყვითლებით და ცვენა-ჭკნობით.

თუ არ ხართ დარწმუნებული, რომ შეძლებთ რეგულარული ყურადღება მიაქციოთ ასეთ მცენარეებს, გამოიყენეთ ჰიდროგელი. საქმიანი ადამიანებისთვის ეს არის იდეალური გადაწყვეტილება. დაამატეთ მიწის შერჩეულ ნარევში ჰიდროგელის წინასწარ დალბობილი გრანულები. ჩარგვისას უნდა გაითვალისწინოთ ზუსტად მშრალი გრანულების 1 გ ნიადაგის 1 ლ-ზე. ჰიდროგელის გრანულებს ასხამენ სუფთა წყალს ან კომპლექსური სასუქის სუსტ ხსნარს. ჰიდროგელის 1 გ იწოვს წყლის დაახლოებით 200 მლ-ს. სითხესთან კონტაქტის შედეგად ჰიდროგელი იბერება და მისი მოცულობა იზრდება. ზედმეტ წყალს ღვრიან, ჰიდროგელს კი ამატებენ გამზადებულ სუბსტრატში (ნიადაგში). სუბსტრატი მზად არის ჩარგვა-გადარგვისთვის. ასეთი გრუნტი კარგად იკავებს ტენს და გასცემს მას ფესვებს იშვიათი მორწყვის დროს. ფესვები კარგად შედიან მასალაში და იღებენ სითხეს ხანგრძლივი პერიოდის განმავლობაში. ახალი მორწვისას  ჰიდროგელის გამოფიტულ გრანულებში ისევ შეიწოვება წყლის დიდი რაოდენობა.

კიდევ რა უნდა იცოდეთ ქოთნებზე?

როგორც ზემოთ მოგახსენეთ, ქოთანი შეირჩევა ფესვთა სისტემის მიხედვით. ქოთანში უნდა ჩაიყაროს ინერტული მასალის (ღორღი, კერამზიტი) სადრენაჟო ფენა (კონტეინერის სიმაღლის 1/5), შემდგომ კი ნიადაგი. დიდ ქოთანში ჩარგვისას რეკომენდებულია ისეთი შემამსუბუქებელი მასალის დამატება, როგორიცაა კერამზიტი.

რიგ შემთხვევაში, დეკორატიული შეხედულებებიდან გამომდინარე, მცენარე უნდა ჩარგულიყოს დიდ ქოთანში, რომლის ზომები არაპროპორციულია ფესვთა სისტემასთან მიმართებაში. ეს პრობლემა ელეგანტურად გადაიჭრება კაშპოს გამოყენებით, მაგრამ მისი შიდა ნაწილი უნდა შეესაბამებოდეს მცენარის ფესვების ზომებს.

თუ საქმე გაქვთ დიდ მცენარესთან, რომელიც არ საჭიროებს გადარგვას, შეიძლება ნიაგადის ზედა ნაწილის (10-12 სმ) განახლება.

თუ გადარგვას საერთოდ არ აპირებთ, შეგიძლიათ მცენარის წარმატებული განვითარებისთვის გამოიყენოთ სასუქები. აპრილიდან სექტემბრამდე შეგიძლიათ აკვებოთ მცენარეები უნივერსალური შემადგენლობებით და ჩაანაცვლოთ ერთმანეთში ორგანული და მინერალური სასუქები. ამ დროს მკაცრად დაიცავით ინსტრუქცია.

როგორც ხედავთ, კარგი განწყობისთვის და თქვენი გახარებისთვის მწვანე მეგობრები არც ისე ბევს ყურადღებას მოითხოვენ, ჩვენს საიტზე კი თქვენ აღმოაჩენთ ყველაფერს, რაც დაგჭირდებათ მცენარეებთან მუშაობისთვის. ჩვენი ბაღის ინსტრუმენტები, ქოთნები და კაშპო, კერამზიტი, მიწის სხვადასხვა ნარევები თქვენს განკარგულებაშია.

„დომინო“ წარმატებებს გისურვებთ!

კომენტარები
საკმაოდ საინტერესო სტატიაა ♥️ მადლობა თქვენ ❤
ძალიან საინტერესო და ინფორმაციული სტატიაა მცენარეების შესახებ. "მწვანე მეგობრების" მოვლა საკმაოდ რთული პროცესია, ამიტომ მნიშვნლეოვანია მსგავსი სტატიები, სადაც ლაკონურად და ამავდროულად დეტალურად იქნება ყველა დეტალი გათვალისწინებული
მიმოხილვის დაწერა