ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
როგორ შევარჩიოთ სჭვალსახრახნი?
26/05/2021
schvalsaxraxni

სჭვალსახრახნი პოპულარული და შეუცვლელი ინსტრუმენტია ნებისმიერი ხელოსნისთვის. იგი შეიძლება მივაკუთვნოთ "Must have" კატეგორიის ხელსაწყოებს, მისი დახმარებით თქვენ შეასრულებთ სამუშაოების უზარმაზარ სპექტრს ავეჯის აწყობიდან დაწყებული, რემონტით დამთავრებული.

სჭვალსახრახნისს, როგორც სხვა ხელსაწყოებს, ახასიათებს რიგი მახასიათებელი, რომელზეც დამოკიდებულია ხელსაწყოს სამიზნე სამუშაოების დიაპაზონი.

პირველ რიგში უნდა გადაწყვიტოთ, როგორი სჭვალსახრახნი უფრო გაწყობთ - ელექტრო თუ აკუმულატორით. ბოლო წლებში აკუმულატორიანი ტექნიკა დღითი-დღე უფრო და უფრო ვითარდება და პოზიციებს ართმევს ელექტროხელსაწყოებს. სჭვალსახრახნიც არ არის გამონაკლისი და ახლო მომავალში არსებულზე უფრო მსუბუქი და მოსახერხებელი გახდება.

დანიშნულებიდან გამომდინარე, სჭვალსახრახნისების რამდენიმე სახეობა არსებობს:

• აკუმულატორიანი სახრახნისი - პატარა, კომპაქტური ხელსაწყო მცირე სიმძლავრით, რომელიც დანიშნულია წვრილი, სათუთი სამუშაოებისთვის, მაგალითად, შტეფსელების მონტაჟი, კომპიუტერის აწყობა, ველოსიპედის და სნოუბორდის აწყობა.

• ელექტროობაზე მომუშავე სჭვალსახრახნი არის მრავალფუნქციური ხელსაწყო საყოფაცხოვრებო სამუშაოებისთვის და ასრულებს სახრახნისის და დრელის ფუნქციებს. ამ ხელსაწყოს მეშვეობით შეიძლება სჭვლების მოჭერა-ამოღება, ბურღვა, ავეჯის აწყობა.

• დრელი-სჭვალსახრახნი აკუმულატორით დანიშნულია საყოფაცხოვრებო და პროფესიონალური გამოყენებისთვის. კომპაქტური და ერგონომიულია, რაც საშუალებას მოგცემთ შეასრულოთ სამუშაოები არა მარტო შიდა სივრცეში, არამედ სახურავზეც, მაგალითად.

• სჭვალსახრახნი დარტყმითი ფუნქციით. დასახელებიდან ჩანს, რომ მოცემულ ხელსაწყოს ასევე შეუძლია მყარი (ბეტონის, ლითონის, რკინაბეტონის) მასალების მსხვრევა.

სჭვალსახრახნისის (და სხვა ხელსაწყოების) შეძენისას ყურადღება მიაქციეთ მის მწარმოებლობას. რაც უფრო მაღალია მაჩვენებელი, მით უფრო მეტი ფუნქცია ექნება ხელსაწყოს. ელექტროხელსაწყოების შემთხვევაში მნიშვნელობა აქვს ძრავის სიმძლავრეს, ხოლო აკუმულატორიანების შემთხვევაში - მუშაობის ხანგრძლივობას. ორივე ტიპის სჭვალსახრახნის მიმართ წაყენებულ მოთხოვნებს აერთიანებს ისეთი პარამეტრი, როგორიცაა მბრუნავი მომენტი. მისი საზომი ერთეული არის ნიუტონ-მეტრი (ნმ). ფაქტობრივად ძალისხმევაა, რომლითაც მუშაობს ხელსაწყო. საყოფაცხოვრებო სეგმენტისთვის ოპტიმალურია 20-40 ნმ, ხოლო პროფესიონალურისთვის 40 ნმ და მეტი.

ხელსაწყოს მუშაობის ხარისხზე გავლენას ახდენს მისი დანიშნულება. მარტივად რომ ვთქვათ, თაბაშირმუყაოსთვის დანიშნული სჭვალსახრახნი ნაყოფიერად ვერ იმუშავებს ბეტონზე.

არანაკლებ მნიშვნელოვანი მაჩვენებელი არის სიჩქარეების გადართვის ფუნქცია. როგორც წესი, სჭვალსახრახნს ორი სიჩქარე აქვს - პირველი ნელი და მეორე ჩქარი.

სჭვალსახრახნის უპირატესობებს შორის უნდა აღინიშნოს რევერსის ფუნქციაც, ანუ ბრუნვა საათის ისრის საწინააღმდეგო მხარეს, რაც სამაგრის ამოღების შესაძლებლობას გვაძლევს. პატარა საიდუმლოს გაგიმხელთ - მოჭერა და რევერსი ხდება სახელურზე არსებული ბერკეტის მეშვეობით. როდესაც მას აყენებთ შუალედურ მდგომარეობაში, სჭვალსახრახნი დაცულია შემთხვევითი ჩართვისგან. ამასთან, თუ აკუმულატორიანი სჭვალსახრახნი გაქვთ და ამ წესს გაითვალისწინებთ, თქვენი ინსტრუმენტის აკუმულატორი არ დაჯდება, როცა მუშაობის დროს პაუზის გაკეთება დაგჭირდებათ.

სამუშაო მიზნებისთვის სჭვალსახრახნის ან სხვა ხელსაწყოების შეძენისას, არასდროს არ აიღოთ სამოყვარულო სეგმენტის პროდუქცია, არ დაიჯეროთ, რომ საყოფაცხოვრებო ხელსაწყოს შეუძლია მუშაობა მთელი დღის განმავლობაში. საყოფაცხოვრებო ხელსაწყოების მუშაობის არეალი შემოიფარგლება ხანმოკლე სამუშაოებით და პერიოდულად ინსტრუმენტი უნდა დაასვენოთ. ასეთ ხელსაწყოებს ახასიათებს გადახურება, ხოლო პროფესიონალურ სეგმენტს გააჩნია თვითგაგრილების ფუნქცია.

რახან სამოყვარულო ხელსაწყოები გამიზნულია წვრილი საყოფაცხოვრებო სამუშაოებისთვის, მწარმოებლები უზრუნველყოფენ მათ სხვადასხვა ბიტებით, ანუ ბუნიკებით. პროფესიონალური ხელსაწყოებისთვის წაყენებულია უფრო მკაცრი მოთხოვნები და მათთვის კომპლექტაცია კონკრეტული ბიტებით არამიზანშეწონილია, ამიტომაც სამუშაო მიზნებისთვის ყველა ხელოსანი თვითონ ირჩევს სახარჯ მასალებს.

ასევე გირჩევთ ყურადღება მიაქციოთ სჭვალსახრახნისს, რომელსაც ჩვეულებრივი თავაკის გარდა ასევე აქვს კუთხური, რომლითაც თქვენ იმუშავებთ 0-დან 90 გრადუსამდე დიაპაზონში.

ნებისმიერი ხელსაწყოს შეძენის დროს ნუ უგულებელყოფთ წამყვან მწარმოებლებს, ვინაიდან მათ უზრუნველყოფენ არა მხოლოდ უმაღლესს ხარისხს, არამედ საგარანტიო პირობებს და რემონტის საშუალებას, გაცვეთილი დეტალების შეცვლას ორიგინალურით.

ამით ვასრულებთ, ხოლო ჩვენი ინტერნეტ-მაღაზია გთავაზობთ ისეთი მწარმოებლების პროდუქციას, როგორიცაა „Bosch“, „Metabo“, „Makita“, „DeWalt“, „Raider“, „Ingco“, „Crown“, „Black+Decker“, „RTRMax“, „Stanley“. 

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა