ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
გრანიტის ნიჟარა - რატომ უნდა შეიძინოთ ის და არა სხვა?
07/04/2021
granitis-nijarebi

ნებისმიერი დიასახლისისთვის მნიშვნრლოვანია, რომ სამზარეულო იყოს მოწესრიგებული. ეს განპირობებულია არა მარტო სისუფთავით, არამედ სამზარეულოს ინტერიერის სილამაზით. სანტექნიკური მოწყობილობების თანამედროვე ბაზარი საშუალებას იძლევა შეარჩიოთ საჭირო ნივთები, რომელსაც მოარგებთ კონკრეტულად თქვენს გემოვნებას. წინამდებარე სტატიაში ჩვენ განვიხილავთ გრანიტის ნიჟარებს.

თუ მაღაზიაში გრანიტის ნიჟარა შეგხვდებათ, ნუ გამორიცხავთ მის შეძენას მხოლოდ მაღალ ღირებულებაზე დაყრდმნობით. მისი ფასი განპირობებულია რიგი მიზეზებით, რის გამოც გრანიტის ნიჟარა არის უნიკალური და პრაქტიკული.

გრანიტი არის ნატურალური ბუნებრივი ნედლეული, რომელიც წარმოიქმნება დედამიწის წიაღებში მაღალი ტემპერატურის ზემოქმედებით. იგი გამოირჩევა სიმტკიცის და ამტანობის მაღალი დონით.

გრანიტის ნიჟარა არანაკლებ რთულად მზადდება. წარმოების პროცესი მოიცავს რამდენიმე ეტაპს: თიხისა და გრანიტის ნაფხვენის შერევას, წებოთი გაჟღენთას პროპორციების მკარცი დაცვით, ღრმად შეღებვას და ზედაპირის საგულდაგულო გაპრიალებას.


სანამ დავიწყებთ გრანიტის ნიჟარების უპირატესობების განხილვას, გეტყვით მთავარს - გრანიტი არ იჟანგება წყლისა და ჰაერის ზემოქმედებისგან, ვინაიდან არ შეიცავს ლითონის მინარევებს. წარმოების ზემოთ ხსენებული ეტაპების გავლის შემდგომ ნიჟარა იძენს წყალგაუმტარობას და სიმტკიცეს. თვითონ მასალა იმდენად გლუვია, რომ მის ზედაპირზე არ ჩერდება ჭუჭყი და მიკრობები,  ადვილად იწმინდება და ირეცხება ნებისმიერი სარეცხი საშუალებებით, გარდა ისეთისა, რომელიც შედგება მყარი ნაწილაკებისგან. წარმოების განსაკუთრებული ტექნოლოგია მატებს გრანიტის ნიჟარას მდგრადობას ტემპერატურული ცვლილებების მიმართ.

ტექნიკური მხარეების განხილვის შემდგომ შევუდგეთ საუბარს გრანიტის ნიჟარის დიზაინერული უპირატესობების შესახებ. მაღაზიაში წარმოდგენილია სხვადასხვა ფერის და ფორმის ნიჟარები - მართკუთხა, კუთხის, და მრგვალი. ავეჯში (მაგიდა, კონსოლი) ჩაშენება არის მისი გამოყენების ერთერთი დახვეწილი ვარიანტი, რომელსაც ასევე მიუსადაგებთ ოთახის მოპირკეთებას. გარდა ამისა, შეარჩიეთ სასურველი შემრევი ონკანი, რომელიც თქვენს ინერიერს უფრო დახვეწავს. ყველა ეს დეტალი ქმნის განუმეორებელ, ჰარმონიულ იერსახეს, როგორიც აქვს იგივე ფრანგულ სამზარეულოს.გრანიტის ნიჟარის შეძენის შემდეგ, იზრუნეთ მის სწორ მონტაჟზე. თუ მაგიდაში ჩაშენება გადაწყვიტეთ, გირჩევთ დაფიქრდეთ იმაზე, შეძლებთ თუ არა მის დამონტაჟებას დამოუკიდებლად, თუ ჯობია სპეციალისტს მიმართოთ. პრინციპში, გრანიტის ნიჟარის მონტაჟის წესები და თანმიმდევრობა არაფრით განსხვავდება ჩვეულებრივი ნიჟარის დაყენების წესებისგან.

სტატიის დასასრულს კიდევ ერთხელ შეგახსენებთ, რომ გრანიტის ნიჟარის ფასმა არ უნდა შეგაშინოთ, ვინაიდან იგი სრულიად შეეფერება თქვენი შენაძენის გამოყენების კომფორტს და მოვლის სიმარტივეს.

ჩვენს საიტზე წარმოდგენილია ბევრი გრანიტის ნიჟარა, სხვადასხვა მწარმოებლისგან. აქვე ავღნიშნავთ, რომ გრანიტის ნიჟარების კომპლექტაციას სიფონიც მოყვება და დამატებით მისი შეძენა არ დაგჭირდებათ.

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა