ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
გაზის გრილების ბენეფიტები
05/09/2021
gazis-grilis-benefitebi

უხსოვარ დროში, როდესაც ადამიანმა პირველად დაამზადა მამონტის ხორცი ცეცხლზე,  კაცობრიობას გაუჩნდა სურვილი დაეწყო საჭმლის მომზადება ღია ცის ქვეშ. მიუხედავად იმისა, გვაქვს თუ არა სრულად აღჭურვილი შიდა სამზარეულო,  ღია ცის ქვეშ კერძების მომზადება დაკავშირებულია განსხვავებულ გამოცდილებასთან, სასიამოვნო გარემოში კერძის მომზადების პროცესთან, რაშიც მიკროტალღური ღუმელი ვერ დაგვეხმარება. როდესაც ახალი გრილის შეძენის დრო დგება, ჩვენ ვდგებით საკმაოდ რთული არჩევანის წინაშე, რათა ავარჩიოთ ჩვენთვის ოპტიმალური ვარიანტი, გრილების პარამეტრების გათვალისწინებით. არჩევანი საკმაოდ დიდია და აერთიანებს, როგორც მარტივ ნახშირის გრილებს, რომლებიც ძირითადად მხოლოდ ნახშირით შემოიფარგელება, ასევე მაღალხარისხიან გაზის გრილებს, რომლებიც აღჭურვილია გვერდითი სანთურებით და შესაბრაწი აღჭურვილობით.

საზოგადოების ნაწილი მიიჩნევს, რომ მწვადის მომზადების პროცესი მხოლოდ ცეცხლზე მისი შეწვით განისაზღვრება. თუმცა მწვადის მოყვარულთა უდიდესი ნაწილი თვლის, რომ ამ პროცესში მთავარია ხორცის სწორად არჩევა და მისი დაჭრა, რასაც თან ერთვის კარგად დამარინადება და სოუსი, რათა მივიღოთ საუკეთესოდ შემწვარი ხორცის ნაჭერი. იმისათვის რომ მივიღოთ გემრიელი მწვადი, მარინადი და სოუსი,  პირველ რიგში უნდა შევარჩიოთ შესაფერისი გრილი. კითხვაზე თუ როგორ შევარჩიოთ საუკეთესო გრილი, არ არსებობს მხოლოდ ერთი პასუხი. 


მაგალითად, გაზის გრილი მწვადის მომზადების პროცესს ამარტივებს და უფრო მოსახერხებელს ხდის. საჭიროა მხოლოდ გაზის გრილის ჩართვა და რამდენიმე წუთში მზად არის უგემრიელესი კერძების მოსამზადებლად. ასევე, შესაძლებელია ჩვენი სურვილის მიხედვით შევარჩიოთ ტემპერატურა, რასაც ნახშირის გრილის შემთხვევაში ვერ შევძლებთ. მაგრამ გაზის გრილებს არ აქვთ ისეთივე არომატი, როგორც ნახშირის გრილზე დამზადებულ მწვადს. გაზის გრილი მუშაობს პროპანის ან ნატურალურ გაზზე, ზოგიერთი კი ორივეს აერთიანებს ჩვენი სურვილის მიხედვით. პროპანის გრილის საწვავის მომარაგება ხდება ცალკე დატენილი ავზებით, რომელთა შეძენა შესაძლებელია ტექნიკის თუ სასურსათო მაღაზიებში. ხოლო ბუნებრივი გაზის გრილები უკავშირდება მუდმივ გაზსადენს.


რატომ გაზის გრილი? მთავარი ბენეფიტი რაც გაზის გრილს ახასიათებს არის სისწრაფე და მოხერხებულობა. თქვენ არ დაგჭირდებათ საათობით განმავლობაში ლოდინი თუ როდის გახურდება ნახშირი. დღევანდელი გაზის გრილები იმდენად სწრაფად თბება, რომ შეგიძლიათ დაიწყოთ მომზადება რამდენიმე წუთში.
უფრო კონრეტულად, რომ განვიხილოთ გაზის გრილი მუშაობს გაზზე, უმეტესად გამოიყენება პროპანის გაზი, რომელიც გრილს უკავშირდება ავზით, მისი გამოყენება რამდენიმე გრილზე ერთდროულად შეიძლება. ამავდროულად, შესაძლებელია ბურგერების დამზადების შემდგომ უბრალოდ გამორთოთ გაზის გრილი და არ ელოდოთ მის გაციებას.


იმ შემთხვევაში თუ თქვენთვის პრიორიტეტია დროის დაზოგვა და მინიმალური ძალისხმევით შედეგის მიღება, გაზის გრილი საუკეთესო არჩევანია. ამ და სხვა ბენეფიტების გათვალისწინებით განსხვავებულია გაზის გრილების ფასები სხვა გრილებთან შედარებით. მაგალითად, თქვენ შეგიძლიათ შეიძინოთ ნახშირის გრილები, რომელთა ღირებულება საშუალოდ 165$-ია, ხოლო გაზის გრილების შემთხვევაში დაახლოებით 1000$. თუმცა არსებობს ბიუჯეტური მოდელები, რომლებსაც არ აქვთ გვერდითი სანთურები და არც ხარისხის გარანტიას იძლევა.
გაზის გრილების არჩევანი საკმაოდ დიდია, შესაბამისად რთულია ზუსტი კრიტერიუმების გათვალისწინებით სწორად შევარჩიოთ სასურველი მოდელი. ჩვენ შევეცდებით მოგცეთ რამდენიმე რჩევა თუ რა ფაქტორების გათვალისწინებით შეარჩიოთ სასურველი გაზის გრილი.

კონსტრუქცია: აუცილებელია, რომ გრილი იყოს მძიმე ლითონისგან დამზადებული. უჟანგავი ფოლადი გამძლე და ვიზუალურად მიმზიდველია, თუმცა არ ინარჩუნებს სითბოს. ასევე, მოერიდეთ ბასრ კიდეებს და ნაპრალებს გრილზე.

სანთურები: რაც უფრო მეტი სანთურით არის აღჭურვილი გრილი, მით უფრო მეტ სტუმარს შეგიძლიათ გაუმასპინძლდეთ. ასევე, სანთურები მოგცემთ საშუალებას მოხერხებულად, ერთდროულად მოამზადოთ სტეიკი და ქათამი, განსხვავებულ ტემპერატურაზე. დააკვირდით, რომ სანთურები იყოს უჟანგავი ფოლადის ან ბრინჯაოსგან დამზადებული, რომლებიც ალუმინთან შედარებით ბევრად გამძლეა და თუჯის მსგავსად არ იჟანგება.

ბორბლები: მინიმუმ ორი ბორბალი გრილზე ამარტივებს მის გადაადგილებას ტერასაზე ან სეზონის ბოლოს საცავში შესანახად. 

მოსახსნელი ცხიმის ლანგარი: იმისათვის რომ ყოველი მომზადების შემდეგ, მარტივად გადაღვაროთ ცხიმი, აუცილებლად გამოგადგებათ ცხიმის ლანგარი, რომლის მოხსნა და არასასურველი ნარჩენების გადაყრა მარტივად შეგიძლიათ. 

გვერდითი მაგიდები საშუალებას მოგცემთ გქონდეთ სივრცე ბურგერების მოსათავსებლად. თუ გვერდითი სანთური გაქვთ, შეგიძლიათ მოათავსოთ მწვადის სოუსი ან მოხარშული ლობიოს მარცვლები. ზოგჯერ გვერდითი მაგიდები საკიდებითაა აღჭურვილი, რაც მაშების, ჯაგრისების, ბოთლის გასახსნელების და სხვა აქსესუარების კომფორტული მოთავსების საშუალებას გაძლევთ.


 
ჩვენი რჩევის გათვალისწინებით, თქვენ გაგიადვილდებათ გრილის არჩევის პროცესი. ჩვენი საიტი, როგორც ყოველთვის, შემოგთავაზებთ ყველა საჭირო ინვენტარს

პატივისცემით, 
"დომინო"

კომენტარები

კომენტარები ვერ მოიძებნა

მიმოხილვის დაწერა