ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
გაალამაზეთ აივანი მცენარეებით - რჩევები დომინოსგან
16/04/2021
aivnis-yvavilebi

ოცნება აგისრულდათ - თქვენ შეიძინეთ ბინა მაღალსართულიან კოპრუსში, გაქვთ მშვენიერი აივანი, საიდანაც იშლება ულამაზესი ხედი. აივნის ფართის მიუხედავად, საშუალება გაქვთ დატკბეთ დასვენებით დამღლელი დღის შემდეგ და ამ საშუალებას მოგცემთ თქვენს მიერვე შექმნილი მწვანე სამოთხე, რომელიც აღსავსეა ყვავილების ჯადოსნური სურნელებით...

აივნის გამწვანებისთვის აპრილი საუკეთესო პერიოდია. მოყვარულთა საბედნიეროდ ყვავილების ცენტრებში მოცემულია სარგავი მასალის (გრუნტების და მიწის ნარევების) და ლამაზი ქოთნების ფართო ასორტიმენტი.


ჩვენ მოგაწვდით რამდენიმე იდეას, რომლებიც დაგეხმარებათ სასურველი დიზაინის შექმნაში.
თანამედროვე მშენებარე კორპუსების მთავარი დამახასიათებელია აივნების ერთმანეთთან ახლოს განლაგება. საღამოს გატარება იზოლირებულად გსურთ არსებობს საკმაოდ ლამაზი გამოსავალი - მცენარეებისგან ცოცხალი კედლის მოწყობა. 


ამის განსახორციელებლად საკმარისი იქნება აივნის შიდა ნაწილის ათვისება, რომელზეც დაამაგრებთ კარკასს. შემდგომში მასზე დააფიქსირებთ მიმმართველ ზონარს და გაუშვებთ მცოცავ მცენარეებს. ზონრის ნაცვლად შეგიძლიათ ასევე გამოიყენოთ სპეციალური ბადე. 
ასეთ კონსტრუქციაზე ხვიარა მცენარეები მოკლე ვადებში საიმედო შირმად გადაიქცევა.
ხვიარა მცენარეების შერჩევისას შეგიძლიათ განიხილოთ ერთწლიანი და მრავალწლიანი ვარიანტები.

მრავალწლიანი მცენარეების გამოყენებისას თქვენ შეძლებთ სიმყუდროვის შექმნას მთელი წლის განმავლობაში, თუმცა გასათვალისწინებელია ქარის ზემოქმედება. იგი ძლიერ აზიანებს ისეთ მარადმწვანე მცენარეებს, როგორიცაა სურო და ტრაქელოსპერმუმი(„ჟასმინი“). ნაკლებად ზიანდება მრავალწლიანი არამარადმწვანე მცენარეები (კლემატისი, დეკორატიული ყურძენი) - ერთჯერადად ჩარგავთ და ყოველწლიურად დატკბებით მათი ყვავილობით.


თუმცა ისიც გაითვალისწინეთ, რომ მრავალწლიან მცენარეებს სჭირდება მუდმივი მოვლა. მთლიანი წლის განმავლობაში. თუ გადაწყვიტავთ ერთწლიანი მცენარის შეძენას, ეხლავე დაიწყეთ მუშაობა ამ მიმართულებით და თქვენივე ხელით შექმენით მშვენიერი და მდიდრული შირმა. ერთ თვეში გექნებათ მწვანე კედელი, მაისის ბოლოს კი დატკბებით მათი ყვავილობით.

დამატებითი ბონუსი - ერთწლიანი მცენარეების გახარება შესაძლებლობას მოგცემთ ყოველწლიურად გაზარდოთ ცოცხალი შპალერი სხვადასხვა ფერში და მუდმივად განაახლოთ თქვენი აივნის იერსახე.

ხვიარა მცენარე იხ.ფოტო:

რჩევები „ცოცხალი მწვანე კედლების“ ასაგებად შემდეგია:

• იატაკზე, აივნის შიდა ნაწილის გასწვრივ, ვაყენებთ ჩასარგავ ყუთებს ან ქოთნებს, რომლის სიმაღლე უნდა იყოს დაახლოებით 25 სმ
• ყუთი ან ქოთანი აუცილებლად შეარჩიეთ ნახვრეტებით 
• ძირს 3-4 სმ-ზე ვავსებთ დრენაჟით (ღორღი, კერამზიტი)
• ვავსებთ ყუთებს ნაყოფიერი მიწით ტორფის მცირე შემცვლელობით. ასევე ურიგო არ იქნება ჰიდროგელის დამატება, რომელიც დაეხმარება მცენარეებს სიცხის გადატანაში
• დატენიანებულ ნიადაგში 2 სმ-ს სიღრმეზე ვათავსებთ 2 საათის განმავლობაში წინასწარ დალბობილ თესლებს. ჩარგვის სიმკვრივე, ანუ ერთ ყუთში ჩასარგავი თესლების რაოდენობა, დამოკიდებულია კონკრეტულ მცენარეზე

აღმონაცენი გამოჩნდება 7-10 დღის განმავლობაში და მთელი ამ დროს მანძილზე ნიადაგი უნდა დაატენიანოთ მაშინათვე, როგორც კი ზედა ფენა გაშრება. გარკვეულ ეტაპზე ღეროები მიაღწევენ საჭირო სიმაღლეს, რის შემდეგაც შეგიძლიათ დაიწყოთ მათი გაფორმება.

სანამ მწვანე ტიხარი წამოიზრდება, შეგიძლიათ დაფიქრდეთ აივნის ფასადის გაფორმებაზეც.

გაყიდვაში მოცემულია ქაშპოების და აივნის ყუთების საკმაოდ ფართო არჩევანი. უფრო ლამაზი დეკორის შექნმა შეიძლება 2-3 წერტილში რამდენიმე კაშპოს დაჯგუფებით. მოათავსეთ ისინი სხვადასხვა სიმაღლეზე და ჩარგეთ განსხვავებული გაბარიტების მცენარეები, მათ შორის ამპელურებიც. ასევე მომგებიანად გამოიყურება დეკორატიული ბალახიც.

თუ გსურთ საღამოობით დატკბეთ მდიდრული ყვავილობით და სურნელებით, დათესეთ სურნელოვანი, თუნდაც შეუმჩნეველი მატიოლა ან ღამის ია. მწერებისგან დასაცავად დაამატეთ თქვენს კოლექციაში ბეგქანდარა, რეჰანი და პიტნა, სამივე აფრთხობს მათ.

გაატარეთ ზაფხულის სასიამოვნო საღამოები თქვენს მიერ შექმნილ, ჯადოსნური სურნელებით აღსავსე, მწვანე სამყაროში!

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა