ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
რომელი ჯობია: ცირკულარული თუ ტორსული ხერხი?
11/06/2021
cirkulauri-xerkhi

ცირკულარულ და ტორსულ ელექტროხერხებს იყენებენ სხვადასხვა ჯიშის ხის მასალების დასაჭრელად (ხის პანელი, ფანერა, დსპ და დვპ-ს მასალები). მათ შორის განსხვავებას ამ სტატიაში განვიხილავთ.

ცირკულარულ და ტორსულ ხერხებს მუშაობის ერთნაირი პრინციპები აქვთ - ორივე შემთხვევაში მუშა მექანიზმს წარმოადგენს მბრუნავი დისკი კბილანა პირებით. მიზნებიდან გამომდინარე თქვენ შეგიძლიათ შეცვალოთ დისკი: თუ ანაჭრის ხარისხს არ აქვს მნიშვნელობა, დისკი მსხვილი კბილებით შეუცვლელი იქნება, მარგამ გლუვი და დელიკატური ანაჭერი ითხოვს წვრილ კბილებს. სხვათა შორის, გაითვალისწინეთ, რომ წვრილი კბილებით ჭრის დროს გამოიყოფა უფრო წვრილი ნახერხი (ხის მტვერი), ამიტომ გირჩევთ შეიძინოთ სამრეწველო მტვერსასრუტი. თანამედროვე ხერხებს აქვს მტვერსასრუტის შესაერთებელი ხვრელი. ეს გაგიმარტივებთ მუშაობას და თავიდან აგარიდებთ ნახერხით გამოწვეულ დისკომფორტს.

კიდევ ერთი მსგავსება და ყველაზე დიდი პლუსი არის ჭრის კუთხის და სიმაღლის რეგულირების საშუალება. სასარგებლო ფუნქცია გახლავთ, თუ აწყობთ ავეჯს ან ასრულებთ სადურგლო სამუშაოებს. ცირკულარულ ხერხებს ასევე გააჩნია სიჩქარის რეგულირების ფუნქცია და მიმმართველი ლაზერი, რომლის დახმარებით არ ირღვევა ჭრის სისწორე.

ცირკულარული და ტორსული ხერხების განსხვავება მდგომარეობს გადატანის საშუალებაში. ცირკულარული ხერხი მიეკუთვნება ხელის ინსტრუმენტების კლასს. თქვენ შეგიძლიათ მარტივად გადაიტანოთ ის სასურველ ადგილას გაბარიტებიდან გამომდინარე. ტორსული ხერხი წარმოადგენს მაგიდას (დაზგას), რომელზეც დამაგრებულია საჭრელი დისკი. ეს არის იდეალური ვარიანტი ხის დასამუშავებელი საამქროსთვის.

რა უნდა გაითვალისწინოთ ელექტროხერხის შეძენის დროს?

პირველი - ხელსაწყოს ფასი. რაც უფრო მაღალი ფასი აქვს ნაწარმს, მით უფრო მრავალფუნქციურია. მეორე კი - გამოყენების მიზანი. პროფესიონალური მიზნებისთვის ხერხის შეძენისას არ გირჩევთ დაბალფასიანი ხელსაწყოს შერჩევას, ვინაიდან ამით თქვენ შეავიწროვებთ თქვენს შესაძლებლობათა წრეს.

სამომხმარებლო მოთხოვნები ცურკულარული და ტორსული ხერხების მიმართ არაფრით არ განსხვავდება სხვა ელექტროხელსაწყოების მიმართ წაყენებული მოთხოვნებისგან, ანუ გასათვალისწინებელია:

• ექსპლუატაციის ხანგრძლივობა, რომელიც განისაზღვრება ხელსაწყოს ფიზიკური ამტანობით
• სიმძლავრე - ხელსაწყოს მწარმოებლობა და მუშაობის ხარისხი დამოკიდებულია მის სიმძლავრეზე და რაც უფრო მაღალია, მით უკეთესი
• ბრუნვის რაოდენობა წუთში - ხელსაწყოს სიმძლავრე გავლენას ახდენს ამ პარამეტრზეც, ამიტომ შეიძლება ითქვას, რომ რაც უფრო მეტ ბრუნვას ასრულებს დისკი, მით უფრო ხარისხიანად ჭრის
• გადახურებაც დამოკიდებულია ხელსაწყოს სიმძლავრეზე. მაღალი სიმძლავრის მქონე ხელსაწყო ხურდება უფრო ნელა საშუალო და დაბალი სიმძლავრის მქონესთან შედარებით
უსაფრთოების სტანდარტები, რომელსაც უზრუნველყოფს თავად მწარმოებელი

უსაფრთხოების ტექნიკის წესებზე შევჩერდეთ. რა თქმა უნდა, მწარმოებლები უზნუნველყოფენ მას მომხმარებლისთვის ფიზიკური ზიანის თავიდან ასარიდებლად. საჭრელი მექანიზმები აღჭურვილია დამცავი ფარებით და ხერხების კომპლექტაციაში ასევე შედის სხვადასხვა დამცავი მოწყობილობა, მაგრამ ჩვენ გირჩევთ გააძლიეროთ თქვენი უსაფრთხოება ინდივიდუალური დაცვის საშუალებებით. ესენია სათვალე თვალების დასაცავად, სასუნთქი გზების დამცავი რესპირატორები, ხელთათმანები, კომბინეზონები და ასევე ყურის დამცავი საშუალებები.

ნებისმიერი ხერხის აწყობისას აუცილებლად დაიცავით მწარმოებლის ინსტრუქცია. ყველა დეტალი უნდა დამაგრდეს მტკიცედ. 

ჩვენს საიტზე წარმოდგენილია სხვადასხვა ცირკულარული (Bosch, Metabo, Raider, Crown, Ingco, Rodex) და ტორსული ხერხების საკმარისი რაოდენობა (Scheppach, Metabo) საჭირო მახასიათებლებით. გარდა ამისა, ჩვენ შეგვიძლია შემოგთავაზოთ ზემოთ ხსენებული სამრეწველო მტვერსასრუტები (Metabo, Kärcher) და ინდივიდუალური დაცვის საშუალებები (რესპირატორები, სათვალე, ელთათმანები, კომბინეზონები, ყურის დამცავები).

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა