ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
ნახშირის გრილი - ეს საინტერესოა!
10/09/2021
naxshiris-grili

განტვირთვის სასიამოვნო წუთები მეგობრების, ოჯახის წევრების გარემოცვაში, ალბათ გრილზე დამზადებული გემრიელი კერძების გარეშე ბევრი თქვენგანისთვის წარმოუდგენელია, თუმცა ალბათ ძალიან ცოტამ თუ იცით ჯორჯ სტივენის შესახებ, რომელმაც საფუძველი ჩაუყარა გრილის ისტორიას 1940-1950 -იან წლებში, დაიწყო ექსპერიმენტების ჩატარება და გვაზიარა ღია სიცრცეში კერძების მომზადების ტრადიციას.


გრილზე მომზადება ერთ -ერთი ყველაზე პოპულარული მეთოდია კულინარიაში, განსაკუთრებით ზაფხულში. სეზონური ინგრედიენტებით ღია სამზარეულოში გემოებით თამაში ყოველთვის სასიამოვნოა. ღია ცის ქვეშ კერძების მომზადება დაკავშირებულია განსხვავებულ გამოცდილებასთან, სასიამოვნო გარემოში კერძის მომზადების პროცესთან, რაშიც მიკროტალღური ღუმელი ვერ დაგეხმარებათ. გრილზე მომზადება შებოლილ არომატს სძენს ნებისმიერ კერძს, რაც ყველაზე მნიშვნელოვანია, კერძი არის უფრო გემრიელი და ჯანსაღი.ხორცის, თევზისა და ბოსტნეულის გრილზე მომზადებას სხვადასხვა მეთოდები და ხრიკები აქვს, დღეს კი გვინდა რამდენიმე მათგანი გაგიზიაროთ.

ნახშირის გრილი არის ხელოვნება, მედიტაციური პროცესი, რომლის სრულყოფილება დამოკიდებულია მხოლოდ პრაქტიკაზე და კულინარიულ ექსპერიმენტებზე. პროცესი იწყება ცეცხლის ანთებით, რომელიც სტაბილურად უნდა შევინარჩუნოთ რათა კერძებმა არ დაკარგონ ჯანსაღი გემო, მუდმივი პრაქტიკით კი შესაძლებელია შებოლილი გემო მივიღოთ, რომელიც ნახშირის გრილის მთავარი მახასიათებელია. თუ თქვენ დამწყები ხართ და არ გაქვთ გამოცდილება თუ როგორ უნდა შეარჩიოთ ნახშირის სწორი რაოდენობა, მაშინ პრაქტიკა დაგჭირდებათ, რადგან სასურველი შედეგის მიღება გრილის პროფესიონალებსაც უჭირთ, თუმცა სასურველი აღჭურვილობის და აქსესუარების დახმარებით სრულად შესაძლებელია მალე ამ საქმის პროფესიონალი გახდეთ. 

თუ ნახშირის გრილზე მომზადების პროცესით დაინტერებული ხართ, გსურთ მეტი გაიგოთ და დაეუფლოთ მის ტექნიკას, მთავარია მომზადების სწორი მეთოდი შეარჩიოთ, აუცილებელ რჩევებს კი ჩვენ გაგიზიარებთ.

ყურადღება მიაქციეთ ამინდს, რადგან მთავარი ფაქტორი ქარია, რომელიც აუცილებლად უნდა გაითვალისწინოთ ღია ცის ქვეშ მზადების პროცესში, ჰაერის ნაკადი ხელს შეუშლის სითბოს განეიტრალებას, შესაბამისად საკვები ვერ შეიწვება სასურველ ტემპერატურაზე. უმჯობესია აარჩიოთ თბილი და მზიანი დღეები, თუმცა გადამწყვეტი ფაქტორიც არ არის, რადგან საკმარისი ცეცხლი შეგვიძლია ცივ დღეებშიც დავანთოთ.

• აუცილებელია ყურადღებით შეარჩიეთ გრილის განთავსების ლოკაცია. უმჯობესია განათავსოთ  ისე, რომ იზოლირებული იყოს ქარის ნაკადისგან. თუმცა, არ არის საჭირო ზედმეტად იზოლირებულიც იყოს (როგორც ავტოფარეხი). შესაძლებელია მისი განთავსება ეზოში, კედელთან ახლოს, თუმცა გასათვალისწინებელია ის ფაქტიც, რომ გრილი მუშაობის პროცესში გამოყოფს სიმხურვალეს და კვამლს, რამაც შეიძლება გარემო დააბინძუროს. გრილის გამოყენებამდე აუცილებლად დარწმუნდით იმაში რომ გრილი განთავსებულია თანაბარ, სწორ ზედაპირზე, თავი აარიდეთ დახრილ, ციცაბო ადგილებს. 

• გამოიყენეთ რაც შეიძლება მეტი საწვავი, რადგან გემრიელი ხორცის ნაჭრისთვის მნიშვნელოვანია ტემპერატურის მუდმივი კონტროლი და მისი სტაბილურად შენარჩუნება.

• სანამ მომზადების პროცესს დაიწყებთ, დარწმუნდით რომ გრილი მაქსიმალურად გაცხელებულია, რადგან საჭმლის გემრიელად მომზადებისთვის აუცილებელია მაღალი ტემპერატურა. ნახშირის ანთების შემდეგ, დააფარეთ მას სახურავი და დაელოდეთ დაახლოებით 10-15 წუთი.

• ნუ გადატვირთავთ გრილს საკვებით, შეეცადეთ მჭიდროდ არ განათავსოთ ნაჭრები. უმჯობესია გაუძლოთ ცდუნებას და მუდმივად არ შეამოწმოთ კერძი მზად არის თუ არა. წინასწარ განსაზღვრეთ, დაახლოებით რამდენი დროა საჭირო კერძის მოსამზადებლად და რეცეპტის მიხედვით გადაატრიალეთ გრილში მოთავსებული პროდუქტი.

გრილზე შეგიძლიათ მოამზადოთ სხვადასხვა სახის უგემრიელესი კერძები ხორცის, თევზისა და ბოსტნეულისგან. თუმცა, აუცილებელია დაიცვათ უსაფრთხოების წესები და უფრო მოსახერხებლად მომზადებისთვის გამოიყენეთ შესაბამისი აქსესუარები. აქსესუარების ასორტიმენტი ძალიან ფართოა, ჩვენ შემოგთავაზებთ კონკრეტულად იმ აქსესუარების ჩამონათვალს, რომელთა სწორი გამოყენება ძალიან მნიშვნელოვანია.

გრილის ნიჩაბი უნდა იყოს საკმარისად ფართო, რათა უფრო მარტივად მოურიოთ და ამოიღოთ რბილი საკვები, კრევეტები, თევზი ან ბოსტნეული. ყველაზე მოსახერხებელი აქსესუარები ოდნავ მოღუნულია, რათა დამწვრობის რისკი მინიმუმამდე შემცირდეს.

ჩანგალი გრძელი სახელურით ამარტივებს ნაჭრების ჩხვლეტის პროცესს. ის გამოგადგებათ კერძის სერვირებისას - ხორცის დაჭრის დროს.

გრილის ხელთათმანები - უნდა იყოს სქელი და ცეცხლგამძლე, რათა დაიცვას ხელები და მაჯები შესაძლო დამწვრობისგან. ძირითადად იწარმოება სქელი ნატურალური ტყავისგან ან სპეციალური სინთეტიკური თერმომდგარადი ბოჭკოსგან.

• მნიშვნელოვანი აქსესუარია ჯაგრისი გრილის გასაწმენდად, რადგან მხოლოდ წყალი არ არის საკმარისი ცხიმის და ჭუჭყის მოსაშორებლად. ჯაგრისი უნდა იყოს დამზადებული გამძლე ფოლადისაგან და აუცილებლად ჰქონდეს გრძელი სახელური ხელების დასაცავად.

გრილის საწმენდი საშუალებები, ჩვეულებრივი სარეცხი საშუალებებისგან განსხვავებით, მარტივად აშორებენ ჭუჭყსა და ჭვარტლს გრილის ნებისმიერი ნაწილიდან. მნიშვნელოვანია ასეთ საყოფაცხოვრებო ქიმიკატებთან მუშაობისას დამცავი ხელთათმანების გამოყენება.

გრილის შალითა, აუცილებელია მათთვის ვინც გრილს ინახავს გარეთ - ეს მნიშვნელოვნად შეუნარჩუნებს გრილს მომსახურების ხანგრძლივობას. გამძლე პოლიესტერის საფარი მზეზე არ ფუჭდება და იცავს გრილს წყლისა და მტვრისგან, ასევე ხელს უშლის მწერების და მღრღნელების შიგნით მოხვედრას.

ვიმედოვნებთ, რომ ჩვენი რჩევები თქვენთვის სასარგებლო იქნება. 

პატივისცემით,
''დომინო''

კომენტარები

კომენტარები ვერ მოიძებნა

მიმოხილვის დაწერა