ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
კონკურსი "საუკეთესო ბლოგ-პოსტი. დომინო და ახალი წელი"
14/01/2022
shida-konkursi-dominodiy

საუკეთესო ბლოგ-პოსტი. დომინო და ახალი წელი

✎ რა კავშირია ახალ წელსა და სჭვალსახრახსნს შორის?
✎ როგორ შეიძლება 2- მეტრიანი ნათურა გასწვდეს 3-მეტრიან კედელს?
✎ რა მჭიდრო ბმაა დღესასწაულსა და შპალერს შორის?
✎ რატომ აბედნიერებს ოჯახის მამას, რომელიც თავს აიგივებს ამერიკულ ბეტსსელერთან ,,პატარა მის ბედნიერება“, გეიმერის სავარძელი?
ამ კითხვებს პასუხი დომინოს საახალწლო კონკურსმა ,,დომინო და ახალი წელი“ გასცა.
კონკურსის პირობები დემოკრატიული იყო: : დომინოს კონსულტანტების ბლოკ-პოსტი განთავსდა დომინოს ჯგუფში და გამარჯვებული მოწონებების რაოდენობით გამოვლინდა.
გამარჯვებულს სპეციალური პრიზი გადაეცა, კონკურსის ყველა მონაწილეს კი სამახსოვრო საჩუქარი.

რა დავინახეთ ამ კონკურსით?

დომინოს უყვარს თავისი მომხმარებელი და მათთან ერთად გულით იზიარებს დღესასწაულების სიხარულს, მომხმარებელსაც ეიმედება დომინო.
დომინოში ყველაფერს შეიძენ, რაც ახალ წელს, როგორც საოჯახო დღესასწაულს, განუმეორებელს ხდის, დაწყებული ნაძვის ხიდან დამთავრებული ბუხრით, თავისი საახალწლო წინდებით.
დომინოს კონსულტანტები ნამდვილი ბლოგერები არიან. ვერავინ დაწერს პროდუქტზე, კომპანიაზე იმაზე უკეთ, ვიდრე ის, ვინც ყოველდღე ეხება პროდუქტს, ყველაფერი იცის მასზე, მომხმარებელზე, ისმენს უამრავ კითხვას, სცემს და ეძებს პასუხებს.
დომინო გილოცავთ ახალ წელს და წარმოგიდგენთ ჩვენი ახალი ბლოგერების საკონკურსო ნამუშევრებს.

და შენ რა გიქმნის საახალწლო განწყობას?

ალბათ ფიქრებმა შენც ბავშვობაში დაგაბრუნა, თავში უამრავი ტკბილი მოგონება ამოგიტივტივდა, მომენტები რომლებიც მთელი წელი  მოგყვებოდა. თოვლის ბაბუა, საჩუქრები, ნაძვისხე და საახალწლო ტკბილეულობა. გონებაში უამრავჯერ  დადგმული სცენარი, თუ როგორ შემოდის თოვლის ბაბუა სახლში და საახალწლო საჩუქარს ბუხართან გიტოვებს.

ბუხარი? 
რამდენჯერ გქონია მომენტი როდესაც საახალწლო სამზადისში ბოლომდე ხარ ჩართული, ნაძვის ხეს აწყობ, გოზინაყს ამზადებ, საჩუქრებს არჩევ მაგრამ მაინც რაღაც გაკლია ზოგჯერ ადამიანები იმდენად ვხდებით პროცესში ჩართული რომ ყველაზე მნიშვნელოვანი დეტალები გვავიწყდება არა, საახალწლო სუფრის გაწყობას  ნამდვილად არ ვგულისხმობ წარმოგიდგენია ახალი წელი სითბოსა და სიმყუდროვის გარეშე?

როცა დაღლილი ხარ და განტვირთვა გინდა, გაიხსენე რამდენჯერ მოგდემებია ბუხრის წინ, სითბოში ჯდომა წითელი ღვინით ხელში სითბო ადამიანებისთვის  ყოველთვის განტვირთვასთან ასოცირდება ბუხარი, ტკბილ მოგონებებთან, ახალ წელთან და გახარებულ პატარებთან იმაზე თუ გიფიქრია რამდენ კარგ ემოციას შემოიტანს ახალი ბუხარი შენს სახლში და დომინოს ბუხრებზე რა გსმენია? თუ ჯერ არ დაგითვალიერების ჩვენი მრავალფეროვანი არჩევანი, დიდი ბედნიერება მხვდა წილად, მე გაგაცნობ.

რა დაგხვდება ჩვენთან?
უამრავი ბუხარი, სხვადასხვა ფორმისა და ზომის, იმისათვის რომ შენთვის სასურველ ინტერიერს მოარგო, საახალწლო წინდების დასაკიდად კარგი ვარიანტი შეგირჩიე თანაც,  ბუხართან ერთად ღუმელის ფუნქციასაც ითვისებს შეგიძლია მოგიზგიზე ცეცხლის ყურებით ისიამოვნო და ამავდროულად ხაჭაპურიც შეაპიწკინო ან ის მომენტი გაიხსენე სამეგობროში შეშის მისატანად გასვლა ყველას რომ ეზარება ჩვენი ბუხრები მაგ პრობლემასაც მოაგვარებს, რადგან დიდი ზომის შეშა თავისუფლად იწვის და მის მოსატანად ხშირი სირბილიც არ მოგიწევს.


თუ უბრალოდ ახალი წლის ვიზუალურად გაფორმებ გინდა, და მოგიზგიზე ცეცხლის იმიტაციის შექმნა, მაშინ ელექტრო ბუხარს გირჩევ, დახვეწილი ვიზუალის საშუალებით დეკორატიულ ფუნქციას მშვენივრად ასრულებს ბუხრების უმეტესობა თუჯისგან მზადდება, რაც სითბოს შენარჩუნებას უზრუნველყოფს, მაგრად ამასთანავე მძიმეც არის ამიტომ, ჰიპერმარკეტი დომინო  1100 ლარის ზემოთ, თბილისში, უფასო მიტანის სერვისს გთავაზობს, ასე დროსაც დაზოგავ და ენერგიასაც!

გვესტუმრე სანტექნიკის სექციაში, ენდე ჩვენს გამოცდილ კონსულტანტებს, რომლებიც ახალი წლის  ელფებივით დაგეხმარებიან სწორი არჩევანის გაკეთებაში და დაუვიწყარ საახალწლო განწყობას შეგიქმნიან.

ანი მეტრეველი - სანტექნიკის სექციის კონსულტანტი

ახალი წელი ის დროა...

ახალი წელი ის დროა, როცა თითოეულ მომხმარებელს სურს რაღაც ახალი. არა აქვს მნიშვნელობა საახალწლო სათამაშოების კოლექცია იქნება ეს, თუ უბრალოდ ახალი  სჭვალსახრახსნი, იმიტომ რომ ამ დროს „ახალი“ ახარებს გულს. ამ დროს შენ განსაკუთრებულად ამაღლებულ განწყობაზე ხარ და მზად ხარ სიხარულით უპასუხო მომხმარებელს კითხვაზე: გაწვდება თუ არა ეს ორმეტრიანი საახალწლო ნათურები მის სამმეტრიან კედელს?! ან და უპრობლემოდ ახვეტს თუ არა თოვლის საწმენდი მანქანა იმ თოვლს, რომელიც თბილისში აგერ უკვე ოთხი წელია არ მოსულა. მეც მაგარი ვარ, ალბათ მომხმარებელს ბაკურიანში ექნებოდა აგარაკი... იმის მოსმენაც ძალიან სასიამოვნოა, როგორ აპირებს მომხმარებელი ჩვენთან ნაყიდ მაყალზე საახალწლოდ მწვადების აშიშხინებას. 


ჰოდა, თუ შენც რაღაც ახალს ეძებ და თან ბოლო 17 წელია, რაც  ერთი და იგივე ნაძვის ხით ხვდები ახალწელს და შენი შვილები, აგერ უკვე შვილიშვილები, ოჯახის ოთხფეხა მეგობრები ლუსი და დოდი  მაგ ერთ ნაძვის ხეს ეკონწიალებიან, მგონი სიახლის დროა! ჩვენთან უამრავ ნაძვის ხეს ნახავთ, მართალია მთლად ჭერში შესაკიდი ნაძვის ხეები არ გვაქვს, თუმცა ჩვენი ნაძვის ხეები იმდენად ხარისხიანია, რომ ნებისმიერი ორფეხა და ოთხფეხას კონწიალს გაუძლებენ. ამიტომ ბევრი აღარ უნდა იფიქრო! უნდა მოხვიდე და აარჩიო სასურველი დიზაინი. და კინაღამ დამავიწყდა, მორთულობებიც აუცილებლად ჩვენთან უნდა შეიძინო, რადგან ახალ ნაძვის ხეს ძველი და თანაც ლუსისგან დაღრღნილი მორთულობები, აღარ უხდება. 

სანდრო ლაზაშვილი - სანტექნიკის სექციის კონსულტანტი

წყალს გაატანე

როგორი საშინელი წელიც არ უნდა ყოფილიყო, არის ის ერთადერთი დღე, როცა გადავდივართ  პარალელურ სამყაროში, ვივსებით იმედებით და გვჯერა რომ უკეთესი დაიწყება, უკეთ გავართმევთ სირთულეებს თავს და ვიმედოვნებთ, რომ ბევრ რამეს მარტივად შევხედავთ და ბევრ რამეს უბრალოდ წყალს გავატანთ. ახალი წლის ღამეს დავდგებით ფანჯარასთან და ყველაზე კაშკაშა ვარსკვლავს სურვილებს ჩავუთქვამთ. 

საახალწლოდ, ყველა სავაჭრო ცენტრი თუ ჰიპერმარკეტი სავსეა ხალხით. უნდათ რომ ახალ წელს ახალი ნივთებით შეხვდნენ, დაებედოთ ბარაქა და სიხარული. ახლა, მოდი, გადავიდეთ მთავარზე. რადგან არც მილიონერი ვარ, არც რაიმე მაღალი თანამდებობის პირი, მოკლედ,  არც ბილ გეითსი ან ჯეფრი ბეზოსი, უბრალოდ დომინოში შემრევი ონკანების გაყიდვით ვიწყებ და ვასრულებ სამუშაო დღეს, მეც გამიჩნდა ამბიცია, რაღაც შევცვალო სხვა ადამიანების ცხოვრებაში და ეს ყველაფერი გავიაზრე, როცა ჩემი მეზობელი გია ესტუმრა ჩვენს სექციას. ჩვეული წუწუნით მიხსნიდა, რომ ძვირს ვერ გადაიხდიდა.

მეც ვუსმენდი, ვუსმენდი და ისევ ვუსმენდი, ბოლოს კი ვეუბნები: გია, მოდი წყალს გაატანე ყველაფერი, ყველა დარდი. ორმოცდაათლარიან შემრევშიც ისევე წამოვა   წყალი, როგორც ხუთასლარიანში. მართალია თითბერი არ იქნება და თან ცოტა იხმაურებს, მაგრამ ეს  ხმაურიც კარგია ცუდი სიზმრის შემდეგ. მიდი, მოუშვი წყალი! გათავისუფლდი და წყალს მოუყევი ყველაფერი, შემდეგ კი გაატანე კანალიზაციის შორეულ მილებს. დრო მოვა და ხუთასლარიანსაც იყიდი, ახლა ხომ ახალი წელია! 

პირბადის შიგნითაც კი ისეთი კაშკაშა ღიმილი ვიგრძენი, რომ მეც ყურებამდე გავიკრიჭე.
სიხარული გადამდებია და მთავარია ბედნიერება გავაზიაროთ...  
ეგაა მოვრჩი. გილოცავთ 2022 წელს! 

ეკატერინე თავზარაშვილი - სანტექნიკის სექციის კონსულტანტი

აქ ვინ არის?

ჰიპერმარკეტში, ალბათ ყველაზე ხშირად დასმადი კითხვაა ,,აქ ვინ არის?“. ერთი შეხედვით ჩვეულებრივი კითხვა, ასევე ჩვეულებრივი განწყობით და მოლოდინებით დასმული. 
გამონაკლისი კი სწორედ ამ საახალწლო პერიოდშია, როდესაც ადამიანს პირბადის ქვეშაც კი ეტყობა ღიმილი და ისე გეკითხება ,,აქ ვინ არის?“. ღიმილის ძალა და ენერგია თვალებში ჩამდგარ სიელვარეს რომ ვერ დაუფარავს და თითქოს ყველა აჩქარებულია და დიდად არ აინტერესებს წერტილოვანი ჩარეცხვითაა თუ წრიულით უკრაინული წარმოების უნიტაზი. ის კარგია, ის ხარისხიანია, რადგან ახალი წელია და ახალი წელი თავისმხრივ სხვა არაფერია თუ არა დაუსრულებელი ჯაჭვი გაბადრული სახეების,  ანთებული თვალებისა და აჩქარებული ნაბიჯების, რომლებიც ერთმანეთის გასახარად მიიჩქარიან.

ახალი წელი კი ის მაგიური პერიოდია, როდესაც სხვისი გახარება უჩვეულოდ აღმატებულად გაბედნიერებს. 
რაც შეეხება პასუხს კითხვაზე ,,აქ ვინ არის?“ პასუხი მარტივია, როგორც ყველა ჭეშმარიტება, აქ ახალი წელია.     

შალვა სიხარულიძე - სანტექნიკის სექციის კონსულტანტი

"დომინო" და ახალი წელი"

ვემზადებით საახალწლოდ? უკვე იცით როგორ უნდა მორთოთ სახლი და ნაძვის ხე? 

ახალი წელი ხომ წლის მნიშვნელოვანი დღესასწაულია, მას მხიარული განწყობა, ახალი იმედები და მიზნები, სურვილების ჩაფიქრება და ოცნებების ასრულება მოაქვს?!                                          სულ ცოტა დრო რჩება ახალი 2022 წლის დადგომამდე. იმისთვის, რომ ვეფხვის წელი ჯადოსნური და გამორჩეული იყოს თქვენთვის და თქვენი შვილებისთვის, აუცილებელია საახალწლო განწყობის შექმნა. ვეფხვი რეალური ცხოველია, ამიტომ უნდა გავითვალისწინოთ ყველაფერი. 
ვეფხვისთვის აუცილებელია მორთულობა და საჩუქრები. თუ ყველა ოთახში შეიტანთ დეკორის მცირე ელემენტებს, ძალიან კარგი იქნება.  

 დეკორი, აქსესუარები და საჩუქრები, ხასიათსაც გამოგიკეთებთ და საახალწლო დღესასწაულს უფრო ხალისიანს გახდის.
ვეფხვის საყვარელი ფერებია - შავი, ლურჯი, წყლისფერი, თეთრი, ღია ყავისფერი, ნარინჯისფერი, მოოქროსფერო და მოვერცხლისფრო.

 ჰიპერმარკეტი  „დომინო“ ზღაპრულ სამყაროს გთავაზობთ. სწორედ ჩვენთან,  ერთ სივრცეში ვზრუნავთ თქვენი ბედნიერებისთვის. 
„დომინო„ და „დომინოელები“ დაგეხმარებათ დახვეწილი დეკორით, საახალწლო აქსესუარებით, ფერადი და კაშკაშა სათამაშოებით მორთოთ ნაძვის ხე. გაალამაზოთ და ახალი წლის სილაღე შემატოთ თქვენს თბილ კერას.

ჰიპერმარკეტ „დომინოში“ საახალწლო ფასდაკლებები და აქციები იწყება შერჩეულ კოლექციაზე. 
ჩვენ გთავაზობთ ხელმისაწვდომ ფასებში მრავალფეროვან „შპალერებს“, რომელიც დაამშვენებს თქვენი სახლის ინტერიერს და საახალწლო სუფრას.
ჩვენთან შეგიძლიათ შეიძინოთ თეთრი ფერის შპალერები, რომელიც დაამშვენებს თქვენი სახლის ჰოლებს და მისაღებ ოთახებს. მრავალჯერ გადაღებვის დროსაც, ის არ კარგავს თავის იერსახეს.     
გინდათ, ლამაზად მორთოთ თქვენი ბუხარი? სწორედ ჩვენთან შეძენილი შპალერი დაამშვენებს ალისფრად აგიზგიზებულ ბუხარს, სადაც თქვენს მეგობრებთან და ახლობლებთან ერთად ჩამოსხდებით და დატკბებით თქვენი ბუხრის სილამაზით.
არც სამზარეულო დაგავიწყდეთ, რადგან მხოლოდ ჩვენთან შეძენილი შპალერით დამშვენებული , თქვენი სამზარეულოს კედლიდან მომზირალი ნუგბარები  გახდის თქვენს საცივს და გოზინაყს უფრო გემრიელს. უგემრიელესი კერძებით გაუმასპინძლდებით თქვენს საყვარელ ადამიანებს. 
 რა მშვენიერი საახალწლო სუფრა იშლება თქვენს ოჯახებში, როგორი სურნელება ტრიალებს..... მაგრამ, ოთახის კედელს მოუწყენია...

ჩვენთან შეძენილი შპალერის არაჩვეულებრივი ფერთა გამები მოეფინება თქვენს სადღესასწაულო სუფრას...არც იმაზე დამწუხრდეთ, რომ კერძების სუნი დარჩება კედელზე, რადგან მარტივად, ერთი ხელის მოსმით შეგიძლიათ ჩამორეცხოთ ისე, რომ არც ფერი დაკარგოს და არც შეილახოს. 
ჩვენ ასევე გთავაზობთ კედლის პანორამებს, რომელიც დაამშვენებს თქვენი ფერადი და კაშკაშა სათამაშოებით დახუნძლულ ნაძვის ხის ფონს, ასევე თქვენი შვილების სამეცადინო კუთხეს.

თქვენი შვილების ზღაპრულ სამყაროზეც ვზრუნავთ და გთავაზობთ, საბავშვო შპალერებს ზღაპრის და მულტფილმების გმირებით, რომლებიც ყოველ საღამოს მიესალმებიან კედლიდან და ვარსკვლავურ სამყაროში ამოგზაურებენ მათ. სიზმარში ნანახი ფირები, მათი სიმშვიდის, ბედნიერი და ხალისიანი ახალი  დღის დასაწყისი გახდება. 

ჰიპერმარკეტი „დომინო“ და „ დომინოელები“ ყველას, დიდსა და პატარას გელით გაშლილი ხელით, თბილი გულით და კეთილი სურვილებით. როგორც ამბობენ, ახალი წლის ღამეს სასწაულები ხდებაო...ჩვენ გვჯერა, რომ ჩვენთან შეძენილი პროდუქცია, დაგეხმარებათ ახალი წლის ღამეს ჩაფიქრებული სურვილების და ოცნებების ახდენაში.

ელენე პაპოშვილი - შპალერის სექციის კონსულტანტი

სასოწარკვეთილი მომხმარებლის დღიურიდან

ზოგი ფილმი კარგად გამოხატავს ცხოვრების არსს.  არსებობს ერთი ასეთი დაბალბიუჯეტიანი კინოსურათი: არის დედა - არც ისე კარგი დიასახლისი, არის მამა - მწერალი, არის ბიძა - თვითმკვლელი პროფესორი, არის ბაბუა - ნარკომანი, არის შვილი - დეპრესიული მოზარდი და არის მეორე შვილი - მსუქანი,  დიდსათვალეებიანი, პატარა გოგონა, რომელსაც ნატვრად აქვს, სილამაზის კონკურსში გაიმარჯვოს.  და ეს ოჯახი, სრული შემადგენლობით, მანქანით მიემგზავრება სხვა შტატში დიდი ამერიკული ოცნების ასახდენად. 

დეტალებს აღარ მოვყვები, მხოლოდ გეტყვით, რომ გოგონა კონკურსს ვერ მოიგებს, რადგან არავითარი ამერიკული ოცნება არ არსებობს, თუმცა მთავარი ეს სულაც არ არის და ახლა გეტყვით, რატომ მომწონს ეს ფილმი  ასე ძალიან.  ოჯახის თითოეული წევრი საკუთარ თავს იპოვის და ეს არის მათი ყველაზე დიდი გამარჯვება.  
ახლა  დროა,   ჩემზე მოგიყვეთ.  ყველაზე დამარცხებულად თავს საკუთარ  ოჯახში ვგრძნობ, რადგან მათთვის საკმარისი არც დრო მაქვს და არც ფული.  ჩემი 8 წლის გოგონას თავისი ოთახი არ მოსწონს, ამბობს რომ მისი მეგობარი ანიტას ოთახში ციცინათელები დაფრინავენ შპალერზე, ჩემი ცოლი ყველა უგემურ კერძს ცუდ ტაფას და ქვაბს აბრალებს,  უფროსი ბიჭი ჩუმია, არ ლაპარაკობს, მხოლოდ კომპიუტერული თამაშები აინტერესებს და  ბოლოს მამაჩემი,  აბეზარი მოხუცი, რომელსაც სულ სცივა. 

ოჯახს ამერიკაში ვერ წავიყვან, მით უმეტეს ახლა, მით უმეტეს მანქანით, რომ ყველამ ჩვენი თავი  ვიპოვოთ და ოცნება  ავიხდინოთ,  ამიტომ მანქანით მივდივარ “დომინოში”.  ხელფასი ახალი აღებული მაქვს.  მივდივარ ჩემი შვილების, ცოლის და მამის ოცნების ასახდენად ამ საახალწლოდ. 
ჯერ ჩემი 8 წლის გოგონათი ვიწყებ  და  ულამაზეს, საბავშვო შპალერს ვყიდულობ - თავისი წებო-ფუნჯით, გაკვრას მეც მოვახერხებ. ციცინათელები არა, მაგრამ  ისეთი ლამაზი ჩიტები ახატია ღია იასამნისფერ  ფონზე, ხმის ამოღების შეგეშინდება, რომ არ გაფრინდნენ.
შპალერი რომ შევარჩიე,  იქვე გვერდზე სექციაში კონსულტანტმა გოგონამ მოციმციმე თვალებით შემომთავაზა wi-fi ნათურა ახალი ტექნოლოგიებით,  რომელსაც მობილური აპლიკაციით უკავშირდები და მართავ ფერებს, ამ საოცრებას შეუძლია მუსიკასაც აყვეს. ცდუნებას ვერ გავუძელი და ეს ნათურაც ჩემს კალათაში  აღმოჩნდა  სხვა  ნივთებთან ერთად.  
მერე უფრო მარტივად აეწყო საქმე, ცოლისთვის ისეთი ტაფა ვიყიდე, თუ კონსულტანს  დავუჯერებ,  მასში გამზადებულ კერძს ეგრევე მიშლენის ვარსკვლავს მიანიჭებენ. 
მამას თბილი პლედი შევურჩიე და ავეჯის სექციას მივადექი. 
ზედმიწევნით დამამახსოვრდა კონსულტანტის   ტექსტი, არ მახსოვს მისი ჩაცმულობა, გარეგნობა, მხოლოდ ხმა, დამაჯერებელი და ტექსტი  -  უზადოდ ორგანზებული, და სტრუქტურირებული. 

აი, რა მიამბო  დომინოს კონსულტანტმა: 
მოგეხსენებათ, XXI საუკუნე ტექნოლოგიების  ხანაა, უამრავი ვიდეო თამაში არის შექმნილი, რაც ძალიან იზიდავს ონლაინ თამაშების მოყვარულ თინეიჯერებს.
 სამწუხაროდ, თამაშისას  დროის განსაზღვრას ვერ ახერხებენ  „გეიმერები“ და ძირითადად მთელი დღის განმავლობაში უწევთ მჯდომარე მდგომარეობაში ყოფნა ეკრანის წინ;
 ასეთ სიტუაციაში საუკეთესო არჩევანია  გეიმერული სკამის შეძენა, რომელიც  უზომოდ მოსახერხებელი და კომფორტულია ადამიანის ხერხემლისთვის;  
სკამს აქვს საზურგეზე  2 ბალიში. მოთამაშეს შეუძლია კომფორტულად მოიწყოს მისაყუდებელი კეფისა და წელის არეში და საერთოდ არ შეაწუხოს ჯდომისგან გამოწვეულმა დისკომფორტმა. ასევე სკამის საზურგე შესაძლებელია გადაიწიოს უკან და დაარეგულიროს სასურველ ზომაზე. 
წარმოგიდგენთ მის ფიზიკურ მახასიათებლი 
მასალა:  ტყავის შემცვლელი ზედაპირი
დასაჯდომის ზომა:  სიგანე- 50სმ, სიღრმე-54 სმ;
საზურგის ზომა: სიმაღლე-81 სმ, სიგანე-55 სმ;
ამ ყველაფერს ურიკით მივაგორებ სალაროსაკენ,  მოლარე ისე მიღიმის, ვფიქრობ,  ცოტა ვეცოდები,  იცის,  რომ არც ერთი საჩუქარი არ არის ჩემთვის და ამიტომ წინასწარ მთელი მონდომებით მილოცავს ახალ წელს.
მეც  გილოცავ, „დომინო“. მრავალ ახალ წელს დაესწარი. 

თეონა გიორგოძე - ავეჯის სექციის კონსულტანტი


საახალწლო ინტერვიუ ყვავილებთან

შობის ვარსკვლავი ანუ ეუფორბია 

✎ რა არ  მოგწონთ? 
ორპირი ქარი, სიმშრალე და ზედმეტი წყალი, როდესაც  ვყვავი, სასუქი.  
✎ რა მოგწონთ? 
სითბო, გაფანტული მზის სხივები, ოქტომბრიდან ბევრი ძილი, ყვავილობისას ძალიან ვიღლები, მერე  სიგრილეში დასვენება მჭირდება -სულ ცოტა წყალი მყოფნის,   გასხვლა მჭირდება. 
როდის იცვლით საცხოვრებელს?
✎ 3 წელიწადში ერთხელ, მჭირდება   ახალი გრუნტი   კარგი დრენაჟით, ფესვები რომ  არ დალპეს, ადგილი -კარგად   განათებული, წყალი -შემთბარი. 
რომელი დღესასწაული   გიყვართ  ყველაზე მეტად?
როდესაც ჩემი ფოთლები წითლდება, სხვა ყვავილებიც შურისგან წითლდებიან,  ახალი წელი, შობა -ყველა მე მეძებს, ჩემზე საუბრობს, ჩემს ისტორიებს ყვება. მე კი  ყველაზე მეტად ეს  ისტორია მომწონს: 
მე-20 საუკუნის დასაწყისში  გერმანელმა მებაღემ,  ემიგრანტმა პაულიუ ეკემ,  ველური პუანსეტია საკუთარ ბაღში გაზარდა,  შობის წინ მისი ტოტებით თაიგულები გააკეთა  და ლოს-ანჯელესის ყველაზე მდიდრულ რაიონში – ჰოლივუდში წაიღო გასაყიდად.   მცენარის ვარსკვლავისებრი წითელი ფოთლები ძალიან მოეწონათ კინო ელიტის წარმომადგენლებს, თაიგულები მომენტალურად გაიყიდა და  მცენარეს კიდევ ერთი სახელი დაერქვა – შობის ვარსკვლავი. 


ორქიდეა ფალენოფსისი

✎ რა არ მოგწონთ?  
შუადღის მზის სხივები, ფოთლები მეწვის, ლაქები მიჩნდება და ჭკნება, ორპირი ქარი.
✎ რა მოგწონთ? 
ნელთბილი  წყალი 10 დღეში ერთხელ და სასუქი.
✎ როდის იცვლით საცხოვრებელს? 
როდესაც მიწის ზემოთ ჩემი ფესვები გაიზრდება,  მაშინ უფრო დიდ ქოთანში გადავდივარ და 5-7 დღე წყალს არ მაკარებენ. 
✎ რომელი დღესასწაული   გიყვართ  ყველაზე მეტად? 
ახალი წელი არ მიყვარს, შობის ყვავილი მჩრდილავს.  სამაგიეროდ,  ყველა სხვა დღესასწაულზე საუკეთესო საჩუქარი ვარ. 

კალანხოე 

✎ რა არ მოგწონთ? 
ზამთარში ბევრი წყალი და სითბო 
✎ რა მოგწონთ?
ნახევრად ჩრდილი 
✎ როდის იცვლით საცხოვრებელს?
წელიწადში ერთხელ, განიერ ქოთანში გადავდივარ, ჩემს საცხოვრებელს  15 კვ.სმ-ით ვაფართოებ და კარგი მოზრდილი ბინა გამოდის. 
✎ რომელი დღესასწაული   გიყვართ  ყველაზე მეტად? 
ზამთარი და ზამთრის დღესასწაულები. როგორც მოგეხსენებათ ჩემს ფოთლებს სამკურნალო თვისებები აქვს  - ამიტომ გრიპის და გაციების სეზონის დროს ლამის ფოთლების გარეშე ვრჩები. 

აგლაონემა 

✎ რა არ  მოგწონთ? 
სიცივე და ხშირი გადარგვა 
✎ რა  მოგწონთ?
სითბო, ბევრი წყალი ზაფხულში, გაფანტული მზის სხივები.
✎ როდის იცვლით საცხოვრებელს?
პატარა როდესაც ვიყავი  ყოველ გაზაფხულზე,  ახლა 3-5 წელიწადში ერთხელ. ნიადაგი უნდა იყოს ფხვიერი,  მსუბუქი,  ფოთლოვანი მიწის, ტორფის და ქვიშისგან. 
✎ რომელი დღესასწაული   გიყვართ  ყველაზე მეტად? 
ყველა, ჩემთვის ვარ, ჩემზე ბევრად  ლამაზი ყვავილების არ მშურს. 


უშანგი ქიტესაშვილი - ბაღის სექციის კონსულტანტი

ახალი წელი ოჯახური დღესასწაულია

ახალი წელი ოჯახური დღესასწაულია. ოჯახის ყველა წევრი მიუხედავად ასაკისა, სქესისა და ინტერესებისა, თავისებურად ელოდება ამ დღესასწაულს და მრავალფეროვან აურზაურში პოულობს სასურველ, მისთვის სასიამოვნო აქტივობას.
ოჯახის ყველაზე უმცროს წევრებს, ბავშვებს, ყველაზე მეტად უხარიათ ახალი წლის მოსვლა, რადგან ამ დღესასწაულზე სათამაშოების მრავალფეროვნებაა.
ჩვენთან, დომინოში, ბავშვებისთვის უამრავი ლამაზი და საინტერესო სათამაშოა.
თუ გსურთ, რომ თქვენი ან/და თქვენი გარშემომყოფი პატარების სახეზე ღიმილი და სიხარული დაინახოთ, აუცილებლად უნდა ესტუმროთ „დომინოს“ ფილიალებს და შეარჩიოთ თქვენთვის სასურველი საჩუქარი, სასურველ ფასად!

ახალი წლის სამზადისი აუცილებლად ასოცირდება სახლის დალაგებასთან.
წინასაახალწლო დღეები დიასახლისებისათვის ძალიან შრომატევადია. ამიტომ მათ სჭირდებათ, ეკოლოგიურად სუფთა და ეფექტური პროდუქცია, რადგან დასუფთავების პროცესი სასიამოვნო გახდეს. „დომინოში“ ეკო პროდუქცია თქვენთვის მოვიმარაგეთ. შეხვდით ახალ წელს სუფთა გარემოში. გელოდებით ჩვენს ფილიალებში!


არ დაგვავიწყდეს ახალი წლის სუფრა, რომელიც ძალიან მნიშვნელოვანია. ამ სუფრას კი, კერძებთან ერთად, სასმელი ამშვენებს.
თუ გსურთ, რომ ეს ყველაფერი იდეალურად წარმოაჩინოთ და სტუმრებზე კარგი შთაბეჭდილება მოახდინოთ, აუცილებლად დაგჭირდებათ ხარისხიანი და ლამაზი ჭურჭელი.
დომინოში დიდი არჩევანია!
ჩვენ გვაქვს „ბოჰემიას“ ბროლის ჭიქები - წითელი ღვინისთვის, რომელიც თქვენთვის მნიშვნელოვან წუთებს უფრო სასიამოვნოს და დაუვიწყარს გახდის.
შეხვდით ახალ წელს „ბოჰემიას“ ჭურჭელთან ერთად და იგრძენით თავი განსაკუთრებულად.


და ბოლოს, რა არის ახალი წელი, ქართული ტრადიციული ნუგბარის, გოზინაყის გარეშე. იდეალური გოზინაყის გასაკეთებლად „ბერლონგის“ ტაფების ხაზი გვჭირდება. 
„ბერლონგის“ ტაფა საუკეთესო არჩევანია ახალი წლისთვის, რათა იდეალური გარემო შეიქმნას სამზარეულოში. „ბერლონგის“ ტაფა შავი ონიქსის დაფარვით და ბიო გრანიტის შემცველობით არ იკრავს და ჭირდება ნაკლები ცხიმი.
მიუხედავად იმისა, როგორი თაფლი და ნიგოზი გვაქვს, სრულყოფილი გოზინაყი ხარისხიანი ტაფის გარეშე არ გამოგვივა.
შეხვდით ახალ წელს ბედნიერად, სუფთად და გემრიელად „დომინოსთან“ ერთად!

ჭურჭლის სექციის გუნდი

საუკეთესო სურვილებით,
დომინო

კომენტარები

კომენტარები ვერ მოიძებნა

მიმოხილვის დაწერა