ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
კერძები გრილზე - ტოპ 10 რეცეპტი
04/05/2021

დადგა ბარბექიუს დრო და გვინდა გრილზე მოსამზადებელი უგემრიელესი კერძების რეცეპტები გაგიზიაროთ. დავიწყოთ!
გავიხსენოთ საჭირო ინვენტარი - გრილისა და თანმხლები აქსესუარების გარდა, თქვენ ასევე შეგიძლიათ გაამრავალფეროვნოთ თქვენი არსენალი შამფურებით, როსტერით, ბარბექიუს ცხაურა-გრილით, მაშებით, ნიჩბებით და ჩანგლებით, აქსესუარებით ხორცისთვის და სხვა. ასევე მნიშვნელოვანია რა ტემპერატურაზე ამზადებთ თქვენს კერძებს. თუ გრილს არ გააჩნია თერმომეტრი, ტემპერატურის კონტროლი შეგიძლიათ სპეციაური ფირფიტის მეშვეობით. ტემპერატურას აკონტროლებთ შემდეგი წესით:

• მაღალი ტემპერატურა: ფირფიტა მთლიანად მოხსნილია - 230-290 °C
საშუალო ტემპარატურა: ფირფიტა ნახევარზე ეფარება ჰაერის შემშვებ ხვრელს - 175-230 °C
დაბალი ტემპერატურა: ფირფიტა 1/4 ეფარება ხვრელს - 120-175 °C
შებოლვის რეჟიმი: ფირფიტა ეფარება ხვრელს 1/4 ან 1/8 - 107-135 °C
• გაზის გრილის შემთხვევაში ტემპერატურას აკონტროლებთ გაზქურის პრინციპით

ახლა კი შეგვიძლია რეცეპტებზე გადავიდეთ.

ჩალაღაჯი.
საქართველოში საკმაოდ პოპულარული კერძია. ხორცის გარდა დაგვჭირდება ინგრედიენტები მარინადისთვის:
- დაჭრილი ხახვი
- მარილი
- პილპილი
- დაფქული ცხარე წიწაკა
-  ქონდარი ყველაფერი, ხახვის გარდა, უნდა ხორცს მოვაყაროთ ორივე მხრიდან და ხახვიანად ფენა-ფენა ჩავალაგოთ ღრმა უჟანგავ ჭურჭელში. კარგად მოურიეთ, დააფარეთ ჭურჭელს თავსახური და შეინახეთ მაცივარში 5-6 საათის განმავლობაში. შემდგომ შეგიძლიათ დაიწყოთ ხორცის შეწვა თუჯის გისოსზე ან შამფურებზე.

• მარმარილოს ხორცის სტეიკი.
დაგვჭირდება მხოლოდ სტეიკი. მოვაყაროთ მარილი, პილპილი და დავიწყოთ გისოსზე შეწვა. იმისთვის, რომ ხორცი წვნიანი დარჩეს, თავდაპირველად ორივე მხარე გისოსზე უნდა დაიბრაწოს ერთი წუთის განმავლობაში, შემდგომ კი გააგრძელეთ მომზადება ხორცის სასურველ მდგომარეობამდე. სანამ ხორცი გრილზეა, მოვამზადოთ სოუსი.
ამისთვის დაგვჭირდება:
- ზეითუნის ზეთი
- ლიმნის წვენი
- მარილი
- ნებისმიერი მდოგვი
- პილპილი
- დაფქული ცხარე წიწაკა
- პაპრიკა როგორც კი სტეიკი მომზადდება, მოათავსეთ ხორცი  ფოლგაზე, წაუსვით სოუსი ყველა მხრიდან, შეფუთეთ და დატოვეთ 10 წუთით. 



• თევზი ბეკონში. ამ კერძისთვის კალმახს ვიყენებთ. გაწმენდილ თევზს მოაყარეთ მარილი და პილპილი, წაუსვით ლიმნის წვენი, მოახვიეთ ბეკონი და მოათავსეთ გრილზე. თევზი იწვება 190-205 °C-ზე. გაითვალისწინეთ, რომ ბეკონი მალე იბრაწება და ყურადღებით უნდა იყოთ, რომ ყველა მხრიდან ხრაშუნა დარჩეს და არ დაიწვას.

• კალმახი ლიმნით. თუ მსუბუქი და დიეტური თევზი გიყვართ, ასეთ ვარიანტს გთავაზობთ. თევზს ვამარილებთ, პილპილს ვაყრით და გარედან ვაკეთებთ პატარა ჩაჭრებს, სადაც უნდა მოათავსოთ ლიმნის ნაჭრები. თევზს ამზადებთ ცხაურა-გრილზე.

• ქათამი ლუდის მარინადში.
მარინადისთვის დაგჭირდებათ:
- 1 ჭიქა ლუდი
- 1/2 ჭიქა სოიოს სოუსი
- 1/3 ჭიქა (1 სუპის კოვზი) თაფლი
- ცოტა მარილი
- პილპილი
- დაფქული ცხარე წიწაკა
- 3-4 კბილი ნიორი
- ქინძი

კარგად მოურიეთ და დატოვეთ 20-30 წუთით. თანაბრად წაუსვით სოუსი, დატოვეთ ქათამი მარინადში ცოტახნით, შემდგომ კი შეგიძლიათ მოათავსოთ როსტერზე და დაიწყოთ მისი მომზადება. კათამი კარგად უნდა დაიბრაწოს მაღალ ტემპერატურაზე, შემდგომ კი გადაიყვანეთ გრილი საშუალო ტემპერატურის რეჟიმში და განაგრძეთ შეწვა. 

• შაურმა ქათმით.
შაურმისთვის ფილე მზადდება მსუბუქი მარინადით:
- ლიმნის წვენი
- ზეითუნის ზეთი
- მარილი

გააჩერეთ ფილე მარინადში 2-3 საათის განმავლობაში, შემდგომ კი დაიწყეთ მომზადება. ვქუცმაცებთ ფილეს, ვიღებთ სომხურ ლავაშს, ვდებთ მასზე სალათის ფოთლებს, ცოტა მაიონეზს, პილპილს, თხლად დაჭრილ კიტრს, კიტრის მწნილს და დაქუცმაცებულ ფილეს. შეფუთეთ შაურმა, მოათავსეთ ცხაურა-გრილზე, დაელოდეთ ლავაშის შებრაწვას ორივე მხრიდან.  მზადაა! შეგიძლიათ მიირთვათ.



• სამარხვო შაურმა.
სამარხვო შაურმისთვის ისევ დაგჭირდებათ ცხაურა. ვალაგებთ მასზე რგოლებად დაჭრილ ბადრიჯანს ან ყაბაყს, პომიდორს და ოთხ ნაწილად გაჭრილ ბულგარულ წიწაკას. სანამ ბოსტნეული გრილზეა, მოვამზადოთ სოუსი კახური ზეთით, ძმრით, მარილით და პილპილით, ასევე უცხო სუნელით და ნივრით. ბოსტნეულს ვჭრით კუბიკებად და ვასხამთ სოუსს. კარგად მოურიეთ, დადეთ ლავაშზე, მოათავსეთ ცხაურაზე და შებრაწეთ გრილზე.


• ბოსტნეული გრილზე.
დაგვჭირდება:
- ბადრიჯანი
- ბულგარული წიწაკა
- ცხარე წიწაკა
- ხახვი
- პომიდორი

ყველაფერს ვალაგებთ გრილზე და პერიოდულად ვატრიალებთ მაშების დახმარებით. ბოსტნეული უნდა დარბილდეს და ოდნავ გაშავდეს კიდევაც.  ყველაზე ადრე პომიდორი უნდა აიღოთ, შემდგომ წიწაკა, ხახვი და ბოლოს ბადრიჯანი. ბოსტნეულს კუბიკებად ვჭრით, ვდებთ ფიალაში და ვასხავთ სოუსს (ზეთი, ძმარი, მარილი და ნიორი). კარგად მოურიეთ და მოაყარეთ ქინძი. ბოსტნეული ასევე შეგიძლიათ ბლენდერში დააქუცმაცოთ, დაამატოთ იგივე სოუსი, მწვანილი და გემრიელად მიირთვათ.

• სიმინდი გრილზე. 
წაუსვით სიმინდს დამდნარი ერბო და მოათავსეთ გრილზე. თუ ნახშირის გრილი გაქვთ, გადმოალაგეთ გახურებული ნახშირი ერთ მხარეს და დაალაგეთ სიმინდი გისოსზე ისე, რომ იგი ნახშირის თავზე აღმოჩნდეს. სიმინდის ყველა მხარე უნდა დაიბრაწოს. ამისთვის ერთი წუთიც იქნება საკმარისი. დაახლოებით 4-5 წუთში სიმინდი კარგად დაიბრაწება. გადმოალაგეთ სიმინდი მეორე მხარეს, დააფარეთ თავსახური და დატოვეთ კიდე 7 წუთით. სიმინდიც მზადაა. 

• ხაჭაპური. ხაჭაპურისთვის გვჭირდება მხოლოდ ფენოვანი ცომი და სულგუნი. სულგუნს ვჭრით კუბიკებად და ვუსმევთ ზეთს, რომელშიც წინასწარ დავჭერით სურნელოვანი შაშკვლავი (იგივე მწვანე ბაზილიკი). ყველს შამფურზე ვახვევთ გრძელ ზოლებად დაჭრილ ცომს (ნამცხვარი „ტრუბოჩკას“ პრინციპით), ვუსმევთ კვერხის გულს და ვწვავთ გრილზე 5-7 წუთის განმავლობაში.

გემრიელად მიირთვით!

კომენტარები

კომენტარები ვერ მოიძებნა

მიმოხილვის დაწერა