კედლის დეკორატიული პანელები ინტერიერში
11/11/2022

კედლის დეკორატიული პანელებისადმი ინტერესი თანამედროვე ინტერიერში უფრო და უფრო იზრდება. ეს დიზაინ კონსტრუქცია საკმაოდ აქტუალურია როგორც სახლების, ასევე საცალო და კომერციული ფართების მოსაწყობად.

კედლის დეკორატიულ პანელებს არაერთი უპირატესობა გააჩნია. პირველ რიგში, მათი დახმარებით შესაძლებელია ინტერიერის გამრავალფეროვნება. თქვენ შეგიძლიათ გამოიყენოთ ხის, ქვის და მეტალის მასალები როგორც იმიტაციის, ასევე ორიგინალის სახით. ამას გარდა, კედლის დეკორატიული პანელები საშუალებას იძლევა, ინტერიერი ვიზუალურად გავზარდოთ სიმაღლეში, გავაფართოოთ ის და სივრცეს სიმყუდროვე მივანიჭოთ. რაც არანაკლებ მნიშვნელოვანია, დეკორატიული პანელების მოვლა და გასუფთავება ბევრად მარტივია, რადგან ზედაპირს ადვილად სცილდება ჭუჭყი. და ბოლოს, ამ ტიპის პანელები გამძლეობითაც გამოირჩევა და არ საჭიროებს ხშირ შეკეთებასა და განახლებას.

კედლის პანელების ერთ-ერთ მთავარ ღირსებას მათი მრავალფუნქციურობა წარმოადგენს. მიუხედავად იმისა, რომ ამ ტიპის პანელებს, ძირითადად, დეკორატიული დატვირთვა აქვთ, მათ ასევე გააჩნიათ სხვა უმნიშვნელოვანესი ფუნქციები:

• ფარავენ დეფექტებსა და დაზიანებულ უბნებს
• ფარავენ გაყვანილობას
• უზრუნველყოფენ დამატებით ხმის და თბოიზოლაციას


ეს არის დეკორატიული ელემენტი, რომელიც შპალერის ან ფილის ალტერნატივას წარმოადგენს, თუმცა, მისი მთავარი უპირატესობა იმაში მდგომარეობს, რომ კედლის პანელების მონტაჟი ხდება ბევრად სწრაფად და მარტივად, ვინაიდან ის არ საჭიროებს კედლების იდეალურ სისწორესა და დამუშავებას. სწორედ აქედან გამომდინარე, თანამედროვე დიზაინში კედლის პანელები გვხვდება ნებისმიერი სტილისა და ზომის სივრცეში.


რა ტიპის პანელები არსებობს?

დღესდღეობით ბაზარზე ხელმისაწვდომია რამდენიმე ტიპის კედლის პანელი, რომელთაც განსხვავებული ვიზუალური მახასიათებლები გააჩნიათ.

რბილი ტიპის კედლის პანელები

თუ ინტერიერის განახლება გსურთ ზედმეტი მომზადებისა და აღჭურვილობის გარეშე, ამაში რბილი პანელები დაგეხმარებათ. ეს რბილი ელემენტები არა მხოლოდ პრაქტიკული, არამედ ესთეტიკურიც არის, რამაც ინტერიერის დიზაინში მისი პოპულარობა განსაზღვრა. პანელები ოთახს დამატებით სითბოს მატებს და ასევე, ხმის დამხშობ ფუნქციასაც ასრულებენ. სწორად შერჩეული ფერი კი თქვენი ინტერიერის სრულ გარდასახვაში დაგეხმარებათ. რბილი პანელები მარტივად ადაპტირებადია ნებისმიერ სივრცეში და ისინი ხელმისაწვდომია სხვადასხვა დიზაინში, რომელთა კომბინირების დახმარებითაც შეგიძლიათ საკუთარი ორნამენტი ან კომპოზიცია შექმნათ.

პროდუქტის დეტალური აღწერისა და ფასის სანახავად გადადით ბმულზე.

ინგლისური პანელი

აღნიშნული დიზაინ ელემენტი შესანიშნავი დანამატია თქვენი ინტერიერისთვის. ის ათბობს ოთახს და ანიჭებს მას ელეგანტურ იერს. ინგლისური პანელი შესაფერისია როგორც კლასიკური, ასევე თანამედროვე სტილის ინტერიერისთვისაც და ის იდეალურად გამოიყურება დერეფანში, მისაღებ ოთახში, სამზარეულოში, საძინებელსა თუ კიბეებზე. გარდა ესთეტიკურისა, აღნიშნული ტიპის პანელი დამცავ ფუნქციასაც ასრულებს. პროდუქტი დამუშავებულია გრუნტით და ვარგისია საღებავებით დამუშავებისთვის.



პროდუქტის დეტალური აღწერისა და ფასის სანახავად გადადით ბმულზე

MDF პანელები

ეს ერთ-ერთი ყველაზე მარტივი გზაა, მიანიჭოთ ინტერიერს მიმზიდველობა, პრაქტიკულობა და ორიგინალურობა. MDF პანელები წარმოადგენს ხის ლარტყის იმიტაციას და მათი მთავარი უპირატესობა ბიუჯეტური ფასია. აღნიშნული ტიპის პანელების ინსტალაცია პრაქტიკულად არ საჭიროებს კედლების დამატებით მომზადებას ან რაიმე სპეციალურ კვალიფიკაციას მათი მონტაჟისთვის. ასეთი კედლის დეკორატიული პანელები ინტერიერს განსაკუთრებულ ხასიათს სძენს და კარგად ერგება რესტორნების, თანამედროვე ოფისების, კერძო სახლებისა თუ სასტუმროების ინტერიერს.


პროდუქტის დეტალური აღწერისა და ფასის სანახავად გადადით ბმულზე.

დეკორატიული ხის ლარტყა

ლარტყა იდეალურია როგორც კედლების, ასევე ჭერის მოსაპირკეთებლად. აღნიშნული დიზაინ ელემენტის გამოყენება შესაძლებელია ნებისმიერი კონფიგურაციით: ვერტიკალურად და ჰორიზონტალურად. ამ ტიპის პანელებს იყენებენ რესტორნების, ოფისების, სასტუმროებისა და საცხოვრებელი სახლების ინტერიერში.



პროდუქტის დეტალური აღწერისა და ფასის სანახავად გადადით ბმულზე.

სად შევიძინოთ კედლის დეკორატიული პანელები?

კედლის დეკორატიული პანელების შეძენა შესაძლებელია ჰიპერმარკეტ „დომინოში, რომელიც მშენებლობის, რემონტისა და მებაღეობისთვის საჭირო ნივთების დიდ და მრავალფეროვან არჩევანს სთავაზობს საკუთარ მომხმარებელს. „დომინო წარმოადგენს ერთ-ერთ ყველაზე კომფორტულ საშოპინგო სივრცეს თბილისში, რადგან აქ რემონტისა და მშენებლობისთვის საჭირო ყველა პროდუქტი ერთ სივრცეშია თავმოყრილი, რაც მნიშვნელოვნად ზოგავს დროსა და ენერგიას საყიდლების პროცესში. ამას გარდა, მომხმარებლის სრული კომფორტისთვის ჰიპერმარკეტის ტერიტორიაზე მოწყობილია უფასო საპარკინგე ზონა, რომელიც 400-მდე ავტომობილზეა გათვლილი. „დომინოს პროდუქციის დათვალიერება შესაძლებელია შემდეგ მისამართებზე: ისთ ფოინთის სავაჭრო ცენტრი, თვალჭრელიძის ქ. N2; დიღომი, ქართულ-ამერიკული მეგობრობის გამზირი 25. გარდა ფილიალებისა, მომხმარებლებს ასევე აქვთ შესაძლებლობა, ისარგებლონ მაღაზიის ვებგვერდის მომსახურებითაც.

*სტატია მომზადებულია homeis-ის მიერ.

კომენტარები

კომენტარები ვერ მოიძებნა

მიმოხილვის დაწერა

ბოლო პოსტები