ყურადღება ვებ-გვერდი იყენებს Cookie ფაილებს მუშაობის გაუმჯობესების მიზნით. გაგრძელებით, თქვენ ეთანხმებით მიიღოთ Cookie ფაილები ვებ-გვერდიდან OK
რა შეცდომებს უშვებენ დამწყები მეყვავილეები? ⛔
17/05/2021
mcenareebis-movla-shecdomebi

აყვავებული მცენარეების სილამაზე უთუოდ იზიდავს ყურადღებას და თქვენთვის შეუმჩნევლად ისინი სახლდებიან თქვენს საცხოვრებელში. მცენარეების გახარებისთვის საჭიროა პირველ რიგში სწორი მოვლა. ახალბედები თვლიან, რომ მცენარეების მოვლა ითვალისწინებს მხოლოდ მორწყვას. ვერ ვიტყვით, რომ ეს მიდგომა არ არის სწორი, მაგრამ რამდენიმე ასპექტი მაინც გასათვალისწინებელია და წინამდებარე სტატიაში ყველაფერს გაგაცნობთ.

პირველი შეცდომა, რომელსაც უშვებენ დამწყები მებაღეები, არის ადგილის არასწორი შერჩევა. სივრცის დასამშვენებლად მცენარის შერჩევისას მნიშვნელოვანია უშუალოდ მცენარის მოთხოვნების გათვალისწინება, მაგალითად, თუ მცენარის დახმარებით აპირებთ ოთახის შორეული კუთხის გამოყოფას, შეარჩიეთ ჩრდილის მოყვარული მცენარეები, ესებია ია-სენპოლია, ბეგონია, სანსევერია, ზამიოკულკასი.

სუკულენტებს (კაქტუსი, ალოე, ფულის ხე) უყვართ ბევრი სინათლე და მზეზე თავს ძალიან კარგად გრძნობენ.

ყვავილოვანი მცენარეების უმეტესობას უყვართ მიმოფანტული გამოსხივება და დილის მზე.

მეორე შეცდომაა არასწორი მორწყვა. ჭარბი მორწყვისგან მცენარის ფესვი ლპება და გრუნტი კარგავს სასარგებლო თვისებებს. იშვიათი მორწყვა არანაკლებ საზიანოა, ამიტომ საჭიროა ბალანსის დაცვა. ნებისმიერი მცენარისთვის არსებობს მორწყვის ნორმა სწორი ინტერვალის დაცვით. სუკულენტების მორწყვა ოპტიმალურია 2-4-ჯერ თვეში (სეზონიდან გამომდინარე), მათ არ უყვართ ჭარბი ყურადღება. ყვავილოვანი და სხვა მცენარეების მორწყვა საჭიროა მხოლოდ გრუნტის ზედა ფენის გამოშრობის შემდეგ.

გაითვალისწინეთ - წყალი უნდა დაასხათ უშუალოდ გრუნტს და არა მცენარეს.

აპრილის ბოლოდან სექტემბრის ბოლომდე წყლის მოყვარულ მცენარეებს (სპატიფილუმი, დრაცენა, შეფლერა) არამხოლოდ მორწყვა, არამედ დანამვაც სჭირდებათ. ფოთლების დამუშვებისთვის გამოიყენეთ ნამიანი ღრუბელი ან ტილო. ბუსუსიანი ფოთლები ფრთხილად უნდა გაწმინდოთ მშრალი რბილი ჯაგრისით ან ფუნჯით.

მცენარის მორწყვისთვის არ გამოიყენოთ ონკანის ცივი წყლალი. აავსეთ სარწყავი წყლით და დატოვეთ ოთახში მინიმუმ ერთი დღე-ღამის განმავლობაში. წყალსადენის წყალი შეიცავს მცენარეებისთვის არასასურველ მინარევებს, სარწყავი წყალი უნდა აუცილებლად ოთახის ტემპერატურის უნდა იყოს.

მცენარეზე ცუდ გავლენას ასევე ახდენს არასწორი ჩარგვა/გადარგვა. შეიძლება იფიქროთ, რომ ეს უმარტივესი საქმეა, მაგრამ აქაც არსებობს რამდენიმე ნიუანსი.

ერთ-ერთი შეცდომა არის ქოთნის არასწორი ზომის შერჩევა. ქოთანი უნდა შეესაბემებოდეს მცენარის ზომას, ანუ არ უნდა იყოს არც დიდი და არც პატარა.

ბევრი არ ითვალისწინებს კერამზიტის სადრენაჟო ფენას, რომელიც აუცილებლად უნდა იყოს ყველა ქოთანში.

არასწორად ჩაყრილი მიწაც კი ხელს უშლის მცენარეებს. ხშირად ახალბედები ტკეპნიან გრუნტს, რაც დიდი შეცდომაა. მიწა ცოტ-ცოტა უნდა ჩაყაროთ და ყოველი დამატების შემდეგ ქოთნის კედლებზე მსუბუქი დარტყმებით და თითებით თანაბრად გაანაწილოთ.

მორწყვამდე ნუ გავიწყდებათ მიწის გაფხვიერება. მიწა დროდადრო იტკეპნება, რაც არღვევეს ბუნებრივ აერაციას, პლასტიკური ქოთნის შემთხვევაში საკმარისია გვერდების ოდნავ მოჭერა, ხოლო კერამიკული ქოთნებისთვის გამოიყენეთ გრძელი თხელი ღერო, ფრთხილად იყავით, არ დააზიანოთ ფესვები.

ამით ვასრულებთ შეცდომების განხილვას. გახსოვდეთ, რომ მცენარეებს, როგორც ადამიანებს, სჭირდება სწორი და ზომიერი ზრუნვა.

„დომინო“ წარმატებებს გისურვებთ!

კომენტარები

კომენტარები ვერ მოიძებნა

მიმოხილვის დაწერა